裝修佬話你知：布藝沙發清洗技巧 (呀J)

布藝沙發舒適溫馨、顏色材質多、款色豐富多樣、手感柔和、容易配搭等好處，深受廣大市民歡迎。\

屋企有用布藝沙發嘅朋友都知特別容易污漕，影響美觀，清洗起身特別頭疼。

其實清洗布藝沙發有小技巧，究竟係點？裝修佬話你知。

吸塵機

布藝沙發非常容易沾有灰塵，所以，日常生活中要注意定期同沙發表面吸塵，避免日積月累，就會越來越難清理，沙發嘅色澤亦會越來越暗沉。 

清潔劑 

有啲污漬可能只用清水並唔可以完全清洗乾淨，呢個時候就要用專用嘅清潔劑來清洗。清潔劑有很多種，針對唔同嘅污漬要用嘅清潔劑就唔同。用清潔劑清洗布藝沙發儘量用海綿會比較。因為海綿吸水性好，易於清理乾淨污漬。

拆洗 

大部分嘅布藝沙發都係可以將沙發套拆落來清洗。係選購沙發時，要留意沙發可否拆裝，而且要留意材質，有啲材質係可以放係洗衣機度洗，有啲只可以乾洗，如麻料。

清水擦拭

如果布藝沙發弄污漕嘅範圍唔大，亦唔深嘅話，就可以直接用濕抹布抹洗便可。 

專業師傅 

如果布藝沙發係大面積嘅污漬，就盡量唔好自己清洗，由於我地對清潔劑嘅用量同清洗方式、程度可能無法把握到位，就有可能整壞沙發。所以，有啲錢係唔慳得架。

裝修佬溫馨提示 

布藝沙發清洗係會比較麻煩，所以，大家係日常使用過程中要特別注意保養。喺清洗布藝沙發時，唔好用太多水，因為水太多就會滲入沙發內部，導致沙發發霉、受潮，從而變形。另外絲絨材質唔可以沾水，應該使用乾洗劑。而防水防污嘅布料，只要用清水抹後自然風乾便可。

一年用清潔劑清潔沙發一次，事後必須將清潔劑徹底洗乾淨，否則更易染上污垢。至於清潔劑嘅選擇，可選含防污劑嘅專門清潔劑。有些矽酮噴霧劑具有防塵效果，可每個月噴一次。

(以上圖片均來自網路，如有任何版權問題，請與本站聯絡)