【室內設計】廚房裝修的誤區 (康少)

隨著我地生活水平嘅提高，廚房裝修設計已經係家居裝修嘅重點之一。

作為日常生活嘅重要功能區，廚房裝修往往會留低一啲不足同遺憾。喺裝修前，我地就應該要知裝修嘅注意事項，咁先可以避免各種遺憾發生。如果想提升家居生活質素，就唔可以忽視廚房嘅裝修。

唔想日後使用廚房時先來後悔，就睇下以下裝修佬為你呈上嘅廚房裝修誤區啦！

單一照明光源 

廚房如果得1條光管會直接影響烹飪者嘅視力，而現代廚房嘅燈光設計分為兩個層面，除咗對成個廚房嘅照明，係洗手盤位同工作枱最好增設櫥櫃專用射燈。呢類射燈光線適度，開關方便，令人烹飪過程更輕鬆。 

牆地磚只追求好睇、防滑 　　

表面凹凸不平嘅瓷磚如果唔勤力清洗，時間一耐，油垢就會黏附係空隙中難以清楚，從而影響廚房開清潔同美觀。所以揀瓷磚、鋁扣板吊頂、藝術造型門時，應以表面平坦、光滑為佳。 

抽油煙機離灶台越近越好 　　

為增強抽油煙機嘅功能，唔少人認為抽油煙機離灶台越近越好。其實，抽油煙機嘅有效距離通常是80CM，喺範圍內抽煙效果相差無幾。所以抽油煙機可係呢個基礎上依照使用者身高來安置，不宜過高或過低。 

裝修完了先買櫥櫃 　　

廚房同客廳等場所唔同，唔好等裝修完後再購買櫥櫃安裝。裝修前先測量，定咗櫥櫃款式型號，預留後線介面同相應空間，再裝修。 

五金配件唔捨得使錢 　　

係各類傢俱當中，櫥櫃應該算係使用頻率最高。而五金配件嘅好壞，直接決定著櫥櫃嘅質量同使用壽命。所以，喺訂造櫥櫃時，為慳錢而採用質量差嘅產品嘅做法實不可取。選擇櫥櫃時，不妨首先睇下五金件牌子。如果經濟條件允許，可以選用價格較高嘅五金產品。五金件嘅好壞直接影響櫥櫃嘅使用壽命。 

考慮係咪適合開放式廚房 　　

如果你鐘意烹飪中菜，而選擇開放式廚房，對於呢啲朋友，建議採用大功率抽油煙機加玻璃隔斷。既有通透效果，又免除油煙之苦。 

選擇櫥櫃面板，忽略內在品質 　　

係挑選面板時，我地往往只注重其外觀及表層性能，只看外表面是否防水、防火、無劃痕，卻忽視了內在品質。辨別板材密度，最直接嘅方法係要求賣家出示面板模型，觀察其橫斷面嘅顆粒之間是否緊密。 

櫥櫃越多越好 　　

廚櫃嘅選擇唔在於多多益善，應該適可而止。過多嘅櫥櫃唔單止佔用部分活動區域，而且會令廚房顯得沉重壓抑。櫃體數量應該根據屋企實際情況而定。 

廚房吊櫃、地櫃採用對開門形式 　　

為咗追求櫥櫃係形式上嘅規整、或降低成本，吊櫃、地櫃都採用對開門形式，但其實會俾使用者帶來諸多不便。如吊櫃門係側開時，要拿取隔離位置物品，一個唔留意，個頭就會撞到門。而存放係地櫃下層嘅物品，就必須要蹲低身先可以擰到。

(以上圖片均來自網路，如有任何版權問題，請與本站聯絡)