【室內設計】地腳線知多少 (艾華)

地腳線係非常唔起眼嘅家居裝飾部分，亦係最容易俾人忽視。但唔講唔知，原來佢嘅作用都幾重要，如果設置得唔合適，唔單止會導致外觀裝飾唔靚，功能上仲有好大嘅缺陷。

咁大家知唔知咩係地腳線呢？地腳線可以為我地帶來咩好處呢？等裝修佬話你知！

咩係地腳線？地腳線係指室內牆體下方易被腳踢損壞，被掃把、拖把等整污漕而特意係牆角設置嘅裝飾線條，一般都係用瓷磚、石材以及木板等材料鋪貼，亦有極少部分地區直接用水泥直接抹上。 

地腳線作用

防止牆體因外力碰撞造成變形同損壞 

屋企內設置地腳線除咗可以防止牆體被整污漕外，亦能夠令牆體同地面之間結合得更加穩陣，防止牆體因為外力碰撞而造成變形同損壞。同時地腳線應用瓷磚石塊等，極易抹洗。 

地腳線高度 

為咗較好嘅視覺效果，地腳線嘅設置要根據比例同功能性。一般嘅地腳線高度係3~4寸高，低於3寸的話，比例會唔對稱，高於4寸的話，就會顯得過於醒目。 

地腳線顏色選擇 

地腳線顏色要根據唔同地方進行選擇，一般來講，地腳線往往比地板顏色要深，咁樣有對比性，顯出效果，但要同牆匹配。

如廚房同睡房嘅地腳線一般都唔同，睡房係私密空間，而廚房係以功能為主，極易整污漕，所以大多情況下，佢地嘅顏色會唔同，當然大空間同細空間會唔一樣。細空間嘅地腳線一般要比大空間低少少。

地腳線材質分類同應用 

木地腳線 

木地腳線係家居裡應用較少，主要係因為價格較高，唔易搭配，容易起拱，一般高級場所應用較多。(適合和木地板配襯)

瓷磚地腳線 

瓷磚地腳線係現時家居裝修中應用最為廣泛嘅一種材料，價格實惠，色彩多樣，適用於各種風格嘅配搭。 

玻璃地腳線 

玻璃地腳線裝飾效果極好，但係有個最大缺點，就係易碎，有很大嘅安全隱患，特別係對於屋企有長者同小朋友，唔建議使用。 

不鏽鋼地腳線 

不鏽鋼地腳線嘅應用相對較窄，主要係價格高、色彩單一，現時主要用於現代主義風格上。 

裝修佬溫馨提示 

喺家居裝飾當中，要注意地腳線嘅裝飾，佢係功能同裝飾並存嘅部位，係一個起著視覺平衡作用嘅重要地方，佢利用自身嘅線形感覺同材質、色彩等係室內相互呼應，有美化裝飾效果。

(以上圖片均來自網路，如有任何版權問題，請與本站聯絡)