裝修佬話你知：屋頂漏水點算好？ (康少)

屋頂漏水嘅問題見怪不怪，但對於漏水應該點處理，好多人就一籌莫展不知所措。

當然首先要搵到原因所在，防止漏水情況加劇，再一次性解決。

以下裝修佬教大家屋頂漏水嘅處理方法，希望幫到你。

如果屋面原來無做防水層，只需要將漏水部位剔開一吋深後清洗乾淨，用瀝青淋下，市面上有現成嘅瀝青塗膜，等好天嘅時候處理基本上就唔會漏水。

如果有防水層就會比較麻煩，要將漏水範圍內嘅防水層去除，重新做防水，做嘅時候注意同原先嘅防水交接處要做加強層。 採用清理屋面、裂縫填平、裂縫密封、砂漿找平等維修方法。

防水嘅方法有：卷材防水、剛性防水、柔性防水、塗膜防水等多種方法。如果係你屋企嘅排水口滲水的話，主要問題應該集中係排水口表面介面同上段部分，建議可以搵專業防漏漆。如果要自己整，可以買一種防水漆，然後油係排水口同馬桶嘅下水喉嘅介面處同上段即可。 

屋頂漏水首先睇下屋頂有沒有裂紋，原先嘅防水層有無老化，屋頂原有嘅SBS防水卷材有無氣泡，有氣泡的話就證明水已經進入防水層嘅底部，呢個時候要搵師傅上門維修。 

檢查抹灰層有無空鼓，如無可用聚氨酯油2次即可，周邊油多10公分。若有的話，用切割機將空鼓範圍內抹灰面割去，沿裂痕兩邊各擴展10公分油2次聚氨酯後，油水泥素漿後再做面層。

如果大面積滲漏，建議用丙烯酸防水塗料油2次，因為聚氨酯黑色吸熱夏天會影響室內溫度。

(以上圖片均來自網路，如有任何版權問題，請與本站聯絡)