裝修佬話你知：鋁窗漏水點算好？ (康少)

窗使用頻繁，而又係容易俾我地忽略嘅一部分，日常唔注意保養會縮短使用壽命，仲會發生漏水漏風問題，而漏水就會造成屋企傢俱同牆體發霉，嚴重影響日常生活。其實造成漏水原因唔多，只需要搵到源頭就可以解決問題，唔需要下下搵師傅上門。

以下裝修佬為大家講解下漏水原因，教大家漏水解決方法。

漏水原因：

1.鋁窗附近牆體防水層受損 　　

樓齡較長嘅舊樓，窗嘅周邊牆體嘅防水層破損容易出現漏水。另外，舊樓改造換窗時，拆窗唔專業造成外牆防水層破損，如果無及時修補，安裝新窗後，好有可能出現漏水。 

2.鋁窗鬆動變形 　　

鋁窗邊框之間鬆動造成漏水係最常見原因。一方面係關門太用力，窗會產生共鳴震動，時間長咗，窗同牆體間嘅空隙越來越大。另一方面係由於鋁窗質量唔好造成，質量較差嘅鋁窗強度唔夠，容易產生變形，就會發生窗框邊砂漿層開裂、脫落，從而引發滲漏。 

3.窗槽排水孔排水不暢 　　

一啲窗有可能無打排水口，尤其係推拉窗，雨水全部積係推拉框槽內排唔出，滿咗就會滲漏。或者外窗台貼瓷磚嘅時候無留意排水口塞咗，推拉框槽入面嘅雨水就全部滲到牆裡面而導致漏水。另外，使用時間耐咗，排水口可能被污物阻塞，導致水流唔能夠及時排出。 　 　　

解決辦法 ：

1.重新密封縫隙 　　

出現窗框同牆體、窗台空隙造成嘅漏水，將空隙重新密封即可。對於外面窗框同牆體窗台間嘅空隙，最好將原先密封物清除，填入耐候型玻璃膠密封，然後用泥沙漿封死做防水。 　　

2.檢查窗框同牆體結合處 　　

經常檢查窗框同牆體結合處，日久如有鬆動極易令框架整體變形，令窗無法關閉，密封。所以連接處嘅螺絲鬆動應立即擰緊。 

3.保持窗口排水槽暢通 　　

針對窗框排水槽淤塞造成漏水，保持排水槽暢通即可解決問題。如果排水口位置有問題，需要封閉原排水口，再重新開窿。 

4.正確安裝鋁窗 　　

室外窗台應低於室內窗台板20mm為宜，並設置順水坡，雨水排放暢通。鋁窗外框同室內窗台板嘅空隙必須採用耐候高彈性密封膠封閉，確保水密性，防止產生滲漏。窗楣、窗台應做足夠嘅滴水槽同流水坡度。 　　

5.重做鋁窗牆體防水層 　　

鋁窗牆體本身漏水，解決辦法就係撬開外層牆，進行修補，修補完檢查是否穩陣，切記要鋪加防水層。 　　

6.鋁窗需要經常清洗 　　

保養鋁窗，先可以真正防止漏水，延長使用壽命。日常需要經常清洗保持表面，儘量選擇軟質紗布或棉布等，以免劃花鋁窗表面。有污漬同污物時，可用清水、酒精或中性洗滌劑清洗。落雨天過後，應及時抹乾淋濕嘅玻璃同窗框，特別注意抹乾滑槽積水。滑槽用耐咗，磨擦力增加，可加少許機油或噴潤滑劑。

(以上圖片均來自網路，如有任何版權問題，請與本站聯絡)