室內設計經驗分享：長者睡房的裝修技巧 (巨龍)

俗語話滴水之恩，泉湧相報。父母辛苦養育我地多年，我地做仔女嘅理應盡孝義照顧佢地，起居、飲食我地都要設想周到。

因為老人家身體狀況不如從前，所以係無論係室內設計、家居擺設、裝修材料方面我地都要謹慎。

以下裝修佬同大家分享關於長者睡房嘅注意事項。

長者睡房裝修設計重點 

人步入老年後，從心理到生理上都會發生好多變化。長者睡房嘅裝飾陳設設計，首先要瞭解長者嘅特點、生活習慣等來做啲特殊嘅佈置同裝飾。 

傢俱要圓滑 

老人家一般腿腳不便，係選擇日常生活中離唔開嘅傢俱時應充分考慮，為免日後有碰撞，揀選圓角傢俱。係所有傢俱入面，床對老人家至關重要，佢地張床高低要適當，應便於上落床時自取床下嘅日用品，另外盡量唔好用沙發床，因為會深陷其中，不便翻身。 

環境要靜 

最基本嘅要求係門窗、室內裝修牆面隔音效果要好，唔受外界影響。根據老人家嘅身體狀況，即使係有啲音量較細嘅音樂，對某啲老人家來說都係噪音，影響身心健康。所以一定要防止噪音干擾，否則會造成不良後果。 

顏色要沉穩 

長者居室顏色選擇上，應偏重於古樸，色彩平和、沉著嘅室內裝飾色調。例如牆面換成柔和色嘅塗料或貼上各種顏色嘅牆紙、牆布，地面鋪木地板或地毯。如果牆面用乳白、奶黃等素雅顏色，可配富有生氣、不顯沉悶嘅傢俱，亦可以木嘅天然色為基礎，裝潢設計用唔同色嘅傢俱，仲可選用深啡色、駝色、珍珠白色、米色等人工色調嘅傢俱。淺色傢俱顯得輕巧明快，深色傢俱顯得平穩莊重，可由老人家根據自己喜好選擇。牆面同傢俱一深一淺，相得益彰，只要對比唔太強烈，就可以有好嘅視覺效果。 

栽種植物 

從科學角度睇，色彩同光、熱統一，可以俾老人家增添生活樂趣，令人身心愉悅，有利於消除疲勞、帶來活力。房間中內要有盆栽花卉，綠色植物可調節室內溫、濕度，令室內空氣清新。 

注意燈光照明 

老人家視力唔好，睡眠質素差，會有起夜嘅習慣。所以，一個係門口同床頭都可以控制嘅雙控照明開關非常重要。另外地毯、床頭燈、床頭櫃等貼心設計，都可以方便佢地日常生活。 

材質選擇 

床單、窗簾、沙發、桌布、掛畫等顏色可以古樸莊重，或是淡雅清新，應與房內整體色調協調一致，圖案亦應簡潔。係材質上應用既可以保暖、防塵、隔音，又美化居室嘅材料。地板應以防滑為主。 

裝修佬總結 

長者嘅居室佈置格局應以佢地嘅身體狀況為依據。傢俱擺設要充分滿足老人家起居方便，實用同舒適相結合，裝飾物品宜少不宜雜，應採用直線、平行嘅佈置令視線轉換平和，予老人家身心健康，親切、舒適、幽雅嘅環境。

(以上圖片均來自網路，如有任何版權問題，請與本站聯絡)