《GTA V 俠盜獵車手5》唔經唔覺已經推出一堆日子，不過當中多人對戰元素、以及遊戲中眾多瘋狂小任務，依然吸引到唔少玩家繼續玩落去。而其開發商Rockstar Games宣佈，次世代版本《GTA V》將會於今年11月18日，於Playstation 4及Xbox One上推出、而PC版本亦於2015年1月27日推出，售價未定。
而係次世代版本中，遊戲畫面將會有大更新，用盡次世代主機及PC機能，將遊戲畫面帶到更高解像度級數。而且次新版本並非單純將舊作照搬過去，而係會加入更多新活動如野生動物攝影比賽，以及全新的靶場競技挑戰及隨機任務；另一方面，遊戲中更會為單人及多人模式玩家加入新載具、新武器、以及100多首遊戲內選聽新歌，保證玩家有一個同舊版不一樣嘅體驗。
而後多人遊戲方面，次世代版本仲加入30人網上大混戰，以及將之前推出過嘅DLC及內容全部包括在內。
