【第353伏】如何解決二手煙入窗的問題？ (裝修中伏大全)

有戶主睇到上篇文章，問有沒有方法處理「二手煙由隔離左右或樓下單位飄入自己窗」的問題。裝修中伏中，很常見的「外圍因素」，除了倒汗水、樓上滲水等以外，還有「酷熱天井」和「二手煙入窗」等等。

「酷熱天井」就是「樓下開冷氣、樓上開窗會熱爆」的問題。如果裝修前知道，也許可以透過窗和室內間隔的設計解決。

至於「二手煙入窗」就比較難透過一力之力解決。因為損失是無形的，受影響的時間很短暫，證據也難找、找到也不能怎樣。因此，版主也只聽過(有版友說自己的)公屋管理處對倒汗水問題扣分，卻從未聽過對窗口吸煙的扣分。

網上對「二手煙入屋」的應對方法極不可取，什麼「屎猛、死老鼠、半夜禁門鐘、Dup地板」...…講真，你這樣做，對方一樣可以。因此，報復是非常不智的。

先分析一下問題，至少有三個可能性：

1. 佢其實冇心影響你，根本唔知道你受影響

2. 佢冇其他更好選擇

3. 佢有意同你鬥氣，特登請你食二手煙

首先，對窗口食煙的人很可能不知道影響到你。即係1。

如果你一下子就走去鬧佢或者報復，咁只會迫佢變成3。

正路的解決方法，係睇下佢有冇其他選擇，例如在其他房間食。但坦白講呢個機會比較細，對方亦未必願意。那麼，以下方法又行不行？

先送盒月餅俾佢示示好，再說家中有小朋友乜乜乜，送佢一個電子門鐘，貼在窗邊，佢每次點煙前，都按一下鐘，咁你樓上鐘響，就關窗幾分鐘。咁就又唔會影響到佢食煙，而你又唔駛聞到煙味先關窗。

這聽上去雖然有點幼稚，但解決問題有時真係唔駛太複雜。月餅$200/盒。門鐘$20個。能解決問題真是超值吧。

大家又有冇更好既方法？集思廣益！覺得好就like/share一下吧~