【零食物語出月餅】古天樂（紙板）陪住整！黑芝麻新餡味

PR哥哥上星期說:「喂！下星期帶埋SY過嚟做月餅啦...…古天樂代言，零食物語出月餅呀。」

我答:「古！天！樂！一定嚟，係咪佢教我做？私人教我得唔得？

PR哥哥答:「古天樂，你唔好攪啦，一大班娛記，你唔會有機會攝到埋去，留返個人形紙板畀你合照算啦。」

(車...…紙板照殺你，橫掂未做過月餅。)

我告訴SY會去利東街做月餅， 小朋友好開心:「好玩喎...…但我都唔識整。」(有雷師傅教你就無問題啦)

其實師傅一早已為我們準備了7成的功夫，例如黑芝麻餡己一早放入鴨蛋黃，月餅皮又早一晚預先整好。

我們只需要兩者二合為一就可，非常簡單。

SY:「黑色依啲咩嚟？月餅唔係黃色咩？ (我: 新嘢嚟喎，爸爸最鍾意食嘅芝麻糊嘅黑芝麻囉)，我仲以為係可樂嚟添。」

原來，月餅皮一般要用17g才會皮薄餡靚，雷師傅:「不過，你哋初學用20g會好D，太薄我驚會漏餡喎。」

小朋友左切右切也切不出20g， 我:「大刀啲， 你切得太細細粒啦」...…因為其他同學一早已經完， 我們還在切皮呢！！

順利切出月餅皮，但小朋友又求救...…「爸爸！都包唔晒啲芝麻...…你嚟幫我手啦…...」結果， 我以為很容易...…卒之沒有辦法之下，又是要找師傅出馬。

雷師傅出金句:「定啲嚟！有頭髮就有辦法。」

嘩！師傅一出馬，2秒KO了9成:「嗱！你包埋少少就可以壓模啦。」

原來，現在用來造月餅的模具，十足一個打針機，粉團放入塑膠模具，一壓...…完整月餅便即時誕生。

SY好興奮:「放入焗爐啦...…放入焗爐啦」，知慳識儉的我，將用剩的月餅皮也搓成麵團，雷師傅說:「無味架喎，同應該唔會熟。」(無問題， 我想玩吓啫)

放入焗爐焗11分鐘， 我們的月餅便接近完成...…

SY:「爸爸，你睇...…未焗完， 你個無餡嘅月餅已經扁撻撻。」

(唔係呀！根本佢就係扁撻撻呀！咁先靚。)

之後由焗爐取出完成品，雷師傅:「我幫你哋掃啲蛋黃醬上面，再焗7分鐘，咁就完成，嗱！我幫你個扁撻撻搽多啲， 等佢再靚啲。」

黑芝麻味屬清淡，太健康，還是SY造得太奇怪呢？我覺得奶黃好食...…

SY:「奶黃真係好食好多！下次係咪做奶黃呀？」 (我都想呀！)

「悅原月餅」(一盒六個迷你裝)， 「激新黑芝麻味」及「經典奶黃味」各三 $198

（全線零食物語及Okashi Galleria獨家限量發售）

大仁生活