【2016動漫節】Avengers全員列陣 仲有大量精靈任捉！

一連五日動漫節， 本來今年想放棄入場， 因為心頭好會場不會有售...…

可惜， SY楚楚可憐的說:「爸爸， 帶我去動漫展吖！ 同學仔話有比卡超，又有布甸狗，我好想去。」

有12歲以下小朋友，就不用排隊，又可以經特別通道進入，免卻炎熱戶外輪候之苦。所以，親子去會展Event最著數。

第一天的Coser也算熱鬧，一班正義朋友就在場中集隊...…

離遠SY已開心大叫:「哎呀！ IronMan個面會自己又開又閂喎，連隻手都會自動發射，好勁呀！」(堅係正喎)

其實， 我最想入場買Bearbrick。不過，今次竟然只有Display，沒有任何Bearbrick可領養回家...…

SY:「隻老夫子無得買，我同你影張相啦。」(我要擁有，唔要相)

向前走了一回，我大叫:「SY， 你去同高達影張相啦」。

SY:「高達？ 邊度呀？ (我指一指前方位置)， 咦...…爸爸！點解Keroro會變咗高達嘅？」(當年真係有依幕架，你未出世唔知啦)

會場盡頭有一條頗長的人龍，原來是排「一折」扭蛋， SY:「一蚊扭蛋，我哋駛唔駛幫媽媽扭？」往年就是一元死貨扭蛋，今年就連死貨也加價。

扭蛋平均$20， $30元一次， 「一折」即是$2、$3元一次，變相加價2倍至3倍。

不過，好貨不見有，而為免屋企又塞滿無謂垃圾，我們還是沒有加入排隊行列。

沿途，我們又遇到另一組英雄， 今次可說是兩雄相遇，DC蝙蝠俠 Vs Marvel...…

原來今次的IronMan是Mark17，而不是剛才的一款。

IronMan阿Paul，其實在過去不同場合也合照過，次次也非常有心，因為合照完，他一定會與小朋友勾手指，叫他們答應一定要做好人，做乖孩子。

(有時英雄說一句，好過爸爸媽媽「鵝」足一年)

之後阿Paul熱情的對我說:「聽日我會COS Mark42，你哋有時間都嚟玩吖」，不斷改良鎧甲的阿Paul，每年也發現服裝有進步，愈戰愈勇，真是一位有心又熱血的正義朋友。

本來， 我也想走進Lego攤位，但見人龍長又長，還是放棄。

魚子媽說:「$3299 一盒波子，目前最深奧又複雜款式，超值。不過一定被Inspoint班人掃晒，去都無謂。」

(咁嘅咩？ 下次等我又爭埋一份先得)

走了又走， SY開始有怨言:「點解行咗咁耐都唔見有布甸狗嘅」好彩！！原來就在妖怪手錶旁邊， 那攤位有售布甸狗...…工作人員好好人，任小朋友又攬、又拍照。(其實， 阿囝...…我平時又唔見你攬屋企十幾隻布布嘅？)

可能今日是動漫展第一天，場內氣氛明顯較為平靜，或可能大家也忙於捉精靈呢？ 

不過老實說，場內真的有不少罕有精靈出現，本來右手邊盡頭也隱藏了不少精靈，可惜每次走到過去，手機也必然Hang機。

還是在中央位置滿載「小磁怪」、「霹靂彈」、「椰樹怪」、「大眼水母」、「毛毛蟲」，「鐵腕」...…

(小朋友， 走啦！！)， SY:「如果無Hang機就好...…我哋仲可以捉好多...…爸爸！ 可唔可以畀我攬多一次布布先走呀？」

小朋友， 你真的愛得痴纏喎！！

第18屆香港動漫電玩節
2016年7月29日至8月2日
成人:$35
12歲以下兒童(由成人陪同)免費入場

大仁生活