【$25VLT唧唧杯】自己沙冰自己唧！3分鐘攪掂晒

有新玩具當然要第一時間玩啦！昨晚當我手執「檸檬茶唧唧冰杯」回家，阿太說:「我本來都想叫你買，但上次係日本買咗隻布甸狗畀囝，都唔識結冰嘅。

這正正就是日文說明書， 與印有中文使用方法的分別...…

我:「阿太你有冇跟足步驟做呀？依度話要將隻杯放入雪櫃冰格3-6個鐘，直至隻杯變硬喎。」

阿太:「哦！唔掛之得啦，我無放到入雪櫃」第二日中午...…SY飯後想打開雪櫃飲檸檬茶之際， 我說:「想唔想試新嘢？ 飲檸檸沙冰呀？」

SY:「爸爸...…你識整？ 上次媽媽都整唔到，我好想飲沙冰檸檬茶...…一齊整囉。」

其實，我也是第一次玩唧唧杯，原來雪了6小時的VLT杯真的硬如鋼鐵...…

SY:「快啲倒啲檸檬茶入去啦。」

說明書說先注入三分之二的檸檬茶，之後便可以一下一下擠壓杯身，有趣的事情慢慢發生了...…

SY:「爸爸！ 啲檸檬茶真係開始變冰呀，愈唧就愈變得多冰，好得意，不過少咗咁多檸檬茶嘅？」

我:「變咗冰，所以好似少咗，咁你再加多少少，再唧囉。」

小朋友非常興奮，不停唧唧唧...…之後SY問:「飲得未呀？ 我唔想唧啦。」

於是不停飲，又不停用羹食沙冰， (好唔好飲)，笑咪咪的SY:「梗係好飲啦， 沙冰點會唔好飲」就是這樣，小朋友好開心，又食又飲KO了整杯沙冰。

SY:「爸爸！ 我想再整呀！」，我:「吓？ 咁要再雪6個鐘之後先整到喎」…...

幸好唧唧冰杯不能隨時再變出沙冰，否則小朋友一定可以連續不停唧唧唧，飲飲飲，唧唧唧， 飲飲飲...…

VLT 「唧唧沙冰杯」:

7-11、Circle K或Vango便利店購買維他檸檬茶或菊花茶飲品滿 $20，加$25即可換購。

大仁生活