【掃街新熱點】旺中變葵廣：人情、味道完勝！

「你有幾耐無上過旺角中心（旺中）？」， 魚子媽答:「12年無去過啦」，其實我也差不多十年...…

在旁邊的SY接口:「點會呀！我細細過都嚟過啦？ (我:你又記得？) 梗係啦，去大家樂個廁所呢！」(但我肯定無帶過你上嚟2樓囉)

因為蘋果上星期介紹「旺中變葵廣」，嘩！掃街最合我心水，所以久違了的旺中，我來啦！！

旺中2樓扶手電梯轉右角位，新開了2間飲品、手卷、雞蛋仔(弼街分店)、班戟店(葵廣分店)、炒雪糕合共6間食肆。

$28 衝出長洲炒雪糕

居於長洲的楊先生，本來在小島賣炒雪糕9個月，因為早前見報紙介紹，旺中可以新開食肆，於是便萌起衝出長洲的念頭。

(點解豆腐花、冧酒提子、話梅咁多都無嘅？)，楊老闆:「最初頭兩日好靜，之後蘋果出咗，尋日都可以講炒到手軟，所以補唔切貨，唔好意思。」

雪糕炒過更合我心意，因為混入了水果，而且質感似叮了5秒的質感，楊:「係呀！炒完密度高咗，真係滑好多！」

SY:「爸爸，係就係滑好多，又好食，但你下次唔好加水果啦，我唔鍾意食，加朱古力啦，我依家揀返啲桃出嚟好辛苦。」

Cheung Chau Stir Fried Ice Cream
旺中SA28A
6438-8815

完勝葵廣手卷

上月去過葵廣的兩間手卷店，質素如何？大家見我還未有意欲出文就知答案...…

今次未食羅師傅的馬糞海膽，離遠已經嗅「好香！好鬼香」。

$45足一板大連海膽，海膽算飽滿，口感的Creamy程度絶對合格以上，不腥不苦之餘，又甜又鮮，而且After-taste不弱，超滿足。

一分錢一分貨，與葵廣$29的簡直贏足9條街。

逾10年日本料理經驗的羅師傅:「不過過去星期六、日我哋賣咗二百幾板，畀貨我哋嗰邊都就嚟無晒貨，所以我哋都頭痛緊，不過我哋諗緊辦法。」

(哎呀！咁要轉都要轉個質素更正架喎)

除了海膽，三文魚腩($18)一樣肥美， SY:「我個鰻魚($18)，啲紫菜又脆，啲飯又暖，真係好食過葵涌嗰間好多喎。」

超值、超抵、超肥，好食！

手卷駅

旺中SA30A
5281-3548

葵廣班戟店插旗開分店

最愛班戟的我，雖然剛剛試完炒雪糕，但也忍不住要來一個菠蘿雪糕班戟($25)。

本來SY不太愛班戟，不過因為有雪糕，小朋友又三心兩意，不知揀哪款...…

葵廣賣班戟十多年的林先生:「我最鍾意食奶油曲奇雪糕，夠晒香，你都試下囉。」

因為菠蘿夾了入班戟內，班戟頂有大量忌廉、朱古力醬伴雪糕，如果你想好似我能夠食到菠蘿，真的頗有難度。為何在雪糕面不再以菠蘿點綴一下呢？

SY:「我鍾意食雪糕喎，爸爸。我食晒雪糕，留返下面啲菠蘿畀你」(吓？ 你咁都得？)

又一戟
旺中SA31A

抵飲鮮榨橙汁~平過街舖$5

最後， 正當我們想撤退之際，我竟然發現又一戟對面的果汁店，鮮榨果汁只售$15！

我問老闆:「15蚊溝唔溝冰架？」

非常友善老闆:「我哋唔會溝冰嘅，你街舖飲嘅價錢梗係貴少少，我哋開係商場入面，又唔駛賣咁貴囉。」

我:「第時我都行上嚟飲橙汁先得， 樓下旺角道賣$20， 你平$5...…老闆記得唔好咁快加價喎！」， 老闆笑笑口:「盡量啦，盡量啦！」

金沙糖
旺中S71B

今次旺中大變身，絶對成功！

因為午市過後的星期一，6間食肆也人來人往，看來我日後坐地鐵前，都會上來買杯橙汁，食件海膽手卷啦！！

PS:SY問:「爸爸， 點解你唔買雞蛋仔？ 」， 我:「依間米即係隔離弼街嗰間囉...…駛乜係度買呀？」

大仁生活