人情味小檔過新年@天水圍天秀墟

2014年最後一日， 我們兩仔爺變身大鄉里， 花了個多小時車程， 首次去天水圍天秀墟， 雖然路程遙遠， 但原來這裡充滿人情味。

到天秀墟因為聖誕元旦假期， 東華三院舉辦了一個吹氣彈床， 及小小逃出密室遊戲， 不過原來每日四點才開始， 所以我們三點到達時， 連彈床也未充氣。

我們未曾逛過天秀墟， 這也是賣一些小雜貨， 小玩具， 及髮型屋為主。

因為要購物滿$20才可玩遊戲一次， 而我第一時間就看中了金姨的薑母茶。

原來金姨家住元朗， 來這裡當義工:「我哋教會租檔口嚟義賣， 所以我唔係老闆嚟架...不過， 我哋檔檔都好老友記， 成日有傾有講， 嘻嘻~梗係啦， E度好鬼靜，  E家有嘉年華玩， 先多咗細路仔嚟吓...」

得到遊戲卷， SY即時排隊玩跳彈床， 不過人龍真的很長， 而且有一半以上是南亞裔小朋友， 為何逛天秀墟的人不多， 但又會有如此多小朋友排隊跳彈床呢？

每張遊戲卷還可以免費到楊叔叔的涼茶店換取一杯西米露， 為何又會有人肯蝕底免費送糖水呢？

楊叔叔笑笑口答:「我本來係隔離天澤開涼茶舖， 領匯又話收返， 咁我米轉嚟天秀墟開， 開咗啱啱一個月咋， 今次合作派吓糖水， 又唔駛好多錢， 當係宣傳吓。」

至於老闆旁邊的方同學， 則在理工修讀社工， 因為有師兄來這裡幫手， 所以他也一同過來當義工， 他說:「我都係第一次嚟天秀墟咋」(原來有人同我一樣喎！)

楊老闆:「係發西米， 每日花多一， 兩個鐘， 都唔值錢， 但係啲小朋友就食都開心」，一位出心， 一位出力， 其實老闆與同學一樣令人值得讚賞。

另外， 我又走到尹姨姨檔口買花生， 尹姨姨非常好客， 我只是光顧她$20花生， 她不停請我們試食。

她破開合桃， 又找來紅棗， 對我說:「你當零食咁食啦， 好有益架！」我多口問天秀墟生意如何， 她一邊請我食松子， 一邊答:「好少人行， 不過$1000租算係咁啦， 所以我哋要經常出去擺周末市集囉！」

尹姨姨望一望SY:「小朋友我請你食啲話梅糖先....你要幾多張遊戲卷呀？ 我畀三張你， 你玩完再要， 就返嚟問我攞啦！！ 」 尹姨姨實在太好人， 又太客氣。 多謝妳！

之後我們就用尹姨姨給我們的遊戲卷去玩密室逃脫遊戲， 工作人員說小朋友玩容易的聖誕老人派禮物好嗎？

「容易玩」當然非常好， 因為我們兩父子都是「蠢人一族」呀...

工作人員問:「一隻雞蛋要煮3分鐘， 咁三隻雞蛋要煮幾多分鐘呢？」 真不好意思， 我還大大聲教SY「3X3呀！！」

幸好有工作人員幫手， 結果我們都可以順利完成， 而且還贏到兩支豉油... SY興奮得即時致電媽媽，  但我忘了對SY說...你父母是一對無飯夫妻呢！！