【臭到冤】真係成舊D24 榴槤...塞咗入去菠蘿包！！

上星期食完Idea Desserts限定齋燒鵝班戟+蛋卷紫薯雪糕後，就在對面發現了一間新開麵包店，賣點是新加坡D24榴槤菠蘿包！！ 

當時麵包店的招牌還掛著紅紙，自己又不食榴槤，於是當日沒有光顧，唯有等到今日，找來家中唯一榴槤控阿太，作一個試食吧！

帶同SY一齊，所以一定要買一個朱古力包給他，SY:「點解係Starwars黑武士嘅？我想要R2-D2。」(流心朱古力係黑色咪叫黑武士$8囉。)

這裡的包算街坊價，我的爆漿奶皇包也只是$6，最貴就是阿太的榴槤菠蘿包$12。

剛剛在KFC取了一把膠刀，就在門口的褶枱上試食吧...…

小刀一揮，嘩！！ 飄來榴槤仙臭味，即時彈開的SY大叫:「好臭呀！」。

真的沒有花假，菠蘿包中央塞滿了榴槤蓉，如果與4個月前廣華街新開張的「Rotiboy Bakeshoppe」相比...…

100％完勝，此時店員探頭說:「我哋真係用D24榴槤做餡呀！」

SY怎也不會試，所以我便大膽咬了一口...…

果然整條舌頭也沾滿榴槤蓉，心諗:「乸乸地嘅，苦從中來，臭上鼻，真係無辦法吞喎...…」

不用5秒，還是放棄吐了出來。

阿太一邊食一邊說:「個皮又鬆又軟， 又夠多榴槤，又夠濃，好食過廣華街嗰間多多聲」。

SY:「黑武士同爆漿奶皇包一樣好食，最難聞就係媽媽嗰個包...…真係好臭。」

點解...…阿太可以食到津津樂道，我就吐也不想吐慢一秒呢？

Baker Talent
地址：荃灣荃灣街市街142-164號

大仁生活