酒精無錯係可意令人處於亢奮狀態，減低焦慮嘅感覺，但如果飲酒過量，您嘅性生活或者就會受到影響，降低性慾及性功能。要避免咁嘅情況發生，除左要清楚自己嘅底線之外，更重要嘅其實係識得揀適合嘅酒嚟飲。
要性事唔受到酒精飲品影響？咁您就要留意一下以下呢10款嘅酒，盡量都係可免則免喇！
1. The Dark and Stormy
混合薑啤同埋黑冧酒，Dark and Stormy 係一種容易入口嘅雞尾酒，但亦就係因為呢個原因，好多人都會喺不知不覺下飲左好多杯Dark and Stormy，最後令自己陷入憂鬱嘅情緒之中。
2. Gin and Tonic
由於Gin酒內含嘅酒精會減慢血液流動，並且會令人急速脫水，因此飲得多Gin酒本身已經對於性事弊多過利。再加上根據德國生殖醫學研究所一項研究，經常飲用Tonic係有機會同奎寧及睾酮降低有關，所以飲得太多Tonic亦有機會導致性慾下降。
3. Rum and Diet Coke
阿斯巴代糖能夠喺唔少嘅健怡汽水中搵到，而呢種人工嘅甜味劑更係被多項研究指出與骨質疏鬆、癡肥有所聯繫，同時係減低性慾。因此喺飲完呢種出名會令人頭疼嘅特飲之後再加上阿斯巴代糖嘅各種副作用，性事質素自然就會下降。
4. Shots
Shots細細嘅一杯，好多人都會飲完一杯仔之後同追多一杯。但當您以為佢咁細杯而不以為意嘅時候，其實當中所含有嘅酒精就已經極速上腦，令您好快醉酒，更有機會需要衝去嘔添...…咁樣簡直就係無任何狀態去同人親熱啦下話？
5. Long Island Iced Tea
含有伏特加、冧酒、龍舌蘭酒、Gin酒，Long Island Iced Tea又係另一種容易令人飲醉嘅雞尾酒。而當您喺攝取左幾杯嘅Long Island Iced Tea之後，您身體裡面就會含有大量酒精，從而就會令您性功能下降，難以有持久力以及達至高潮。
6. Sex on the Beach
個名雖然有「性」（Sex）呢個字，但飲得多絕對唔會令您增加雄風，反而係會令您因為當中嘅桃味松子酒而讓性功能下降，出現勃起功能障礙。所以同另一半飲一兩杯就好，如果唔係「Sex on the Beach」都變成「Sit on the Beach」喇...…
7. Old Fashioned
Old Fashioned所含有嘅波本威士忌係會令性器官嘅敏感度降低，令您喺受到另一半刺激嘅時候事倍功半，難以引起強烈性慾。就算您成功達至性興奮狀態，您或者都會因為受到酒精影響而無法好好享受，覺得一切都好似無乜特別感覺咁。所以唔想自己好似個木頭人咁feel唔到任何野，咁就唔好飲Old Fashioned喇！
8. Whiskey Ginger
Old Fashioned因為有波本威士忌，所以就會令人性功能下降，咁其他威士忌呢？又會唔會有同樣嘅影響呢？答案係會嘅。所以為左唔影響性事，都係儘量避免飲威士忌。
9. 啤酒
飲左一兩杯啤酒之後，大家應該都會覺得飄飄然，好想繼續飲落去，但越追飲落去嘅時候，眼前視覺就開始變得迷糊，最後您更加會發現自己無啦啦就已經返到屋企，而過程已經完全唔記得左。
咁講法咪者係乜都唔飲得？
當然唔係啦原來研究指出紅酒反而會令人體睾酮上升，因此係有助改善性功能的！所以喺同另一半親熱之前想飲番少少酒，就不妨可以選擇紅酒。
