依家打工，咩都要講效率，總之就係要快又要好。雖然聽落好難，但其實只要跟足八個口訣，要做到其實一啲都唔難。想知係點？跟著筆者咁做試下咪知囉！

1.先專心做好一件事

開工要快手，最基本要訣就係專心。即係叫你唔好打緊下字就走去睇淘寶、上高登、開ThisAV。要做，就係做完一件事先做。因為你一條心做好一件事之後，你就會發現你用嘅時間唔係好多，再加上中途一分心，你就要花更多時間去重新集中做之前樣野。

所以一做，就先做好處理緊個樣野。做完再睇其他野蛇一陣王，當俾自己休息下都無所謂。


2.唔好停！一下都唔好停！

其實呢樣比較考反應，例如好似你負責度橋、或者係做設計的話。一時三刻無idea點樣去做一件事，最好方法就係跳過卡著個部份，立即走去做另一部份你可以先解決嘅事，又或者搵人問下有無方法。因為經驗話俾我地知，遇到難題而去鑽牛角尖，你所花嘅時間，一定會多過你先做完其他野，然後靈光一閃搵出假決方法嘅時間。


3.無腦狗衝的頭十五分鐘

話說人做野，就好似一台機器一樣：最重要就係頭個十五分鐘。因為你一開波做野就係你最有衝勁個時段，所以就係呢個時段你腦中只需要有一個想法：衝！唔好質疑自己做法、唔好理其他人講法，衝完個十五分鐘先講，否則道氣一斷你就好難追得返。咁樣你就可以做一個雛型出來，雖然之後你可能要花小小時間執靚佢，但點都好過，之後你花更多時間推倒重，將自己困係無盡重做輪迴之中。

4.幫自己限時

雖然咁樣睇落好奇怪，但其實限時的確有助你之後做野更快手。例如筆者咁樣，就幫自己設定唔同稿件有唔時限。久而久知，我就可以知道自己用緊個方法，究竟有無出咩可以阻礙我做野嘅問題。搵出問題後，解決之，之後就會搵到個適合自己嘅做野方法。

（未完待續）