【百變小櫻Cafe嚟啦！】真．粉絲集體回憶封印解除

百變小櫻魔法神奇誰可阻擋...…

原來， 2000年Bandai出品一套53張 Magic卡， 今日ebay炒至$3000+，嘩！！ 升值12倍，早知當年買一箱啦！！

大前日， 荃灣沙嗲王Youme cafe 變身小櫻主題， 餐廳開12:00， 但10:00已經有少女在排隊。(無計， 早前網上訂位服務一出， 秒殺Fully Book 到7月31 Last Day呀！)

去Cafe前， 要上網重溫早己遺忘的小櫻...…同場朋友C說:「小櫻係我初戀呀！ (我:你初戀情人好鍾意小櫻？)」

C續說:「唔係呀，我意思我嗰時讀小學，我當小櫻係我初戀。」(我小學3年班都初戀啦！！不過唔係唔係小櫻，係同隔離同學。)

全部食物當中，對非粉絲的我來說，當然首選最搶眼基路仔+雪比Egg Benedict ($79)。

我最初以為一切開雪比，流出來的是紫薯醬，原來這是荷蘭醬+紅菜頭變成的雙班尼迪克蛋。

蛋醬功澎湃，全Cafe食物中，最有效果就是這碟，不過要說到故事性反而不及平平無奇的雞翼飯團。($55)

我說:「兩條腸+雞翼， 同飯團關小櫻咩事呀？」

小櫻的初戀情人朋友C說:「佢係某一集，小櫻造畀小狼運動前特訓食嘅中午飯盒，100％原著重現， 仲有個『1』字旗仔添！」

我是一個膚淺又是金魚記憶的仁， 對這一幕絲毫沒有半點印象...…

「以貌取食物」還是對古羅卡雪糕沙冰 ($69)， 及解除封印芝士免治牛肉飯($69)較吸引。

古羅卡曲奇，加兩球雪糕，又有扮封印的棉花糖。

晚上SY看著相片也對我說:「爸爸！ 下次帶埋我去食得唔得呀？ 我已經無咳喇。」(好！！ 不過要排好耐隊喎)

不過，大仁比較愛單一口味，Tiramisu厚忌廉的基路仔芒果沙冰($35)更合我意，(價錢仲平近半添)。

一杯飲品，面層1/4是厚厚的Tiramisu忌廉，十足食蛋糕，如果芒果沙冰可以減酸會更加分。

頭兩日，WALK IN籌號派至17:30便完結，大家如果沒有網上留位，還是中午12點前到場排隊好少少。

同場還有吞拿魚+蝦沙律法包 ($55)，小櫻迷好興奮:「真係雪兔最鍾意食嘅法包，仲一模一樣，連漫畫入面個Logo都有，勁正呀！」(完全唔知你噏乜) 

其實， 對偽粉的我來說， 誤以為「九唔搭八」的食物， 原來才是忠於原著， 果然高層次粉絲就要識得去嘆高層次主題Cafe。

Youme cafe
地址：荃灣眾安街2-8號沙嗲王3樓

大仁生活