有時去旅行搭巴士、鐵路都特別鐘意望出窗外面，希望抓緊時間睇到唔同既自然風光。但係萬一搭長途車要經過隧道，就會覺得哂咗啲時間係個好黑既環境。不過，如果下次去旅行時，如果咁啱經過以下呢8條隧道時，就記得要落足眼力睇真啲嗰度既環境。
1. 美國，錫安-迦密山隧道（Zion-Mount Carmel Tunnel）
（圖片來源：http://www.moderndaygilligan.com/2013/0306_tunnel.jpg）
位於美國猶他州錫安國家公園（Zion National Park）既呢條隧道，因為位於一個峽谷地帶，周圍都係岩壁，而一見到呢條隧道就會令人諗起華納系列既卡通片畫面，雖然唔知呢條隧道係唔係卡通片入面靈感來源，但單睇相就已經有一種好荒蕪既感覺。
2. 挪威，洛達爾隧道（LAerdal tunnel ）
講起挪威，你當然會諗起一啲大自然既風光，或者極光既顏色，而呢條位於挪威西部，長達24.5公里既全世界最長公路洛達爾隧道，就一定唔會令你覺得悶。因為呢條隧道入面，沿途就設置咗三個可以照亮天然洞穴構造既休息區，有啲甚至分別係藍光同紅光，用嚟模仿日落效果。
3. 中國，郭亮隧道（Guoliang Tunnel）
喺中國河南省，附近有一條村莊為咗要通往外界，於是就合力開鑿呢條長1200米既隧道，，而參與呢個開鑿工程既就有13位村民，就一共用咗5年時間。呢條隧道就係位於呢個岸壁既中間部分，而汽車經過時，更可以望到外面壯麗既景色。
4. 美國，紅杉樹隧道（Sequoia Tree Tunnels）
喺美國加州既紅杉國家公園（Sequoia National Park）入面，有一棵位於呢個國家公園入面既紅杉樹，佢既原木一直得以保留，樹幹就被打造成一座2.4米高既隧道，可以俾一架車輛通過。
5. 中國，終南山隧道（Zhongnanshan Tunnel）
（圖片來源：http://www.chineseeye.com/static/media/uploads/%E9%92%9F%E5%8D%97%E5%B1%B1%E5%85%AC%E8%B7%AF%E9%9A%A7%E9%81%93.png）
如果要你喺一座密封既隧道入面揸車揸足30分鐘，唔少司機都可能會覺得好單調咁，而喺陝西省既呢條終南山隧道入面，兩側都種咗棕櫚樹同熱帶草坪，配合埋牆壁上投影既雲朵同柔和燈光；雖然同個隧道環境未必好襯，但都算係特色之一。
6. 美國，大挖掘隧道（Big Dig Tunnel）
（圖片來源：https://pinkunderbelly.files.wordpress.com/2011/02/boston-the-big-dig.jpg）
美國馬薩諸塞州既波士頓，有一條隧道因為工程浩大，呢條隧道建喺建設期間遇過成本超支、工程延期等各種問題，而負責設計大挖掘隧道既團隊，甚至將整條93號州際公路搬落去地底。喺呢廿年來，大挖掘隧道（Big Dig Tunnel）工程喺完工之後，佢就成為美國工程史上「最有野心」既案例之一。
7. 日本，東京灣橫斷路隧道（Tokyo Bay Aqualine）
（圖片來源：http://www.menzmag.com/wp-content/uploads/2012/01/Tokyo-Bay-Aqua-Line-Japan-Picture.jpg）
喺日本東京，呢條只有9公里長既隧道，風格融合咗建築同基礎設施，加上隧道個感覺好cyber，經過時就好似去咗未來世界一樣，配合返東京呢個城市既感覺；而隧道延伸左4.3里之後就屈入去東京灣內，就咁睇上去就好似一條高速公路去到中段，突然衝咗落大海中間。
8. 瑞士，聖哥達隧道（Gotthard Base Tunnel）
（圖片來源：http://www.20min.ch/diashow/45849/45849-oBEcbeh32YpSLNsX1OfYrg.jpg）
呢條位於瑞士格申恩（(Göschenen）既呢條聖哥達隧道（Gotthard Base Tunnel），係當地政府用120億瑞士法郎興建而成，一直都被譽為瑞士的「國家驕傲」。隧道北起埃斯特費爾德（Erstfeld）南至博迪奧（Bodio），穿過咗阿爾卑斯山脈，列車可以最高時速250公里行駛，如果想由蘇黎世去意大利米蘭的話，都只需要2小時50分鐘。
