騙徒無處不在，但方法卻大同小異，只要大家加以小心，便能夠避免成為他們的「羔羊」；網民Ne Lee近日在facebook上傳了數張照片，並直指相中的男女是騙徒。
據Ne Lee表示和照片所見，一名身穿白色上衣、軍綠色迷彩褲子、背上側揹袋的長直髮女子，在28日下午1時左右於佐敦地鐵站售票機附近，向多名途人借取6元乘車，至少一名女士中招。上傳者又指，當一名身穿背心的紋身男子發現他拍攝時，隨即上前提醒長髮女；遂估計兩人是拍檔。
大批網友看過照片後，竟然表示曾經遇到相中男女，向自己乞討；更有人指自己被騙：
佳佳 唉…中過招…當時心情已經唔好，仲要俾佢黑面…
Ho Ho Tse 個男 成日係深水埗出現
Miko Tou 又係呢個男人！佢係深水埗地鐵站都試過好多次問人要錢搭車，初初職員有提醒大家唔好上當受騙 個次有個女人卑佢5蚊 佢嫌少 仲話人孤寒 結果卑個女人聽到走過去問佢囉翻錢 呢個男人唔肯 仲粗口橫飛鬧人地！自此之後我對呢個人渣已經有印象 有次佢行埋黎問我要錢 我話大佬 你有手有腳問人要錢 你仲有錢過我啊 卑我串翻佢後冇出聲走佐...呢幾個活躍係旺角 深水埗 佐敦 油麻地 呢幾個站 有手有腳好意思開聲問人要錢
Dez Leung 我中學開始俾佢問到大學畢業...次次都係寶靈街出口地面，一上到去就成隻女鬼咁款問你借幾蚊。
Tony Tsang 成日見依個人
Jack Tam 旺角站見過+1
Nelson Au-Yeung 好耐之前係深水埗見過此女，企在提款機附近問我散錢，當時無諗過係騙子就畀左$5 佢，點知我走開左隔左陣又問其他人拿，小心中伏。。。
Kenneth Cho 之前深水埗站見過
Ricky Cheung 又係佢，上次金鐘同條粉佬孖beat
Ka Ka Chow 佢問過我好多次，佢係車箱都會問人借
Jack Yeung 尼個女人係地鐵車箱入面問過我羅。
Anson Lsc 精神恍惚 幾年前見過兩次，被問一次。當時早上七點幾在月台，話欠幾蚊搭車回家。
Oscar To 又係佢?! 上次銅鑼灣等巴士行埋嚟問我攞十蚊搭車，咁啱冇散銀借唔到比佢，佢竟然叫我食屎...
Wing Hang 係深水埗地鐵站見過男既借錢
Kin Chau 好多時候，佢地係深水埗出現
亦有網友批評相中人的行為：
Bibi Yuen 利用人家善心，日後需要真正幫助人都不敢
Carine Tai 大人大姐勁冇出息~
Carine Tai 有手有腳唔返工，係要做社會垃圾
Danny Chiu 不過好過比大陸落來果D職業乞衣
Shirley Yiu 佢地覺得咁樣搵錢有油水，咪食住條水去攞！香港地d人太好心，有好多人分辨唔到佢地係道友！正一垃圾
Will Lau 叫佢去客務中心填OP287賒數
Daniel Kwan 問翻佢借$94入數 話撳機攞$100俾佢(攞咗錢即閃)
Shirley Yiu 一句講曬無！
有網友又直言兩人的樣子像道友，希望大家提防被騙：
Chi Wah Tiu 毒品害人，引以為鑑。
張果 一睇就知，道友二人組
Ateven Ioa 條女可似吸毒板陳敏玲
Wing Chi Yu 嘩！仆街……個樣成個男人禁？
Chin Fung Lee 個個道友都係咁既樣
資料來源：Ne Lee
