呢幾日雖然有少少風，感覺好似無咁熱，但其實夏天已經喺轉角，好快大家就要換上背心、短褲、比堅尼同陽光玩遊戲。而要換上盛夏的衣著之前，當然就要瘦身先得啦！
喺減肥嘅過程之中，唔少人都會特別選擇標榜為瘦身嘅食品，但其實好多有咁嘅聲稱嘅食物喺實際情況下卻係非常唔健康，咁究竟有啲咩嘅食物係一定要戒架呢？
1. 健怡可樂
好多人喺減肥嘅時候都其實已經會戒埋可樂，因為覺得就算係健怡可樂都會致肥。但其實要戒健怡可樂，更重要嘅理由係因為佢當中嘅人工甜味劑係會令你身體發生不良化學反應，導致你好似平時咁飲完之後覺得飢餓，令你之後食多左。因此最好都係飲番普通茶類或者檸檬水就OK。
2. 穀物棒
穀物棒睇上去因為充滿全麥麥片同埋有健康嘅脂肪，感覺上高纖好健康，但實際上卻含有大量糖分同無乜蛋白質，令人食完之後會因為血糖喺段時間內起伏，造成飢餓感。因此相比起進食穀物棒，直接使用堅果其實更為健康。
3. 即食麥片
因為番工其實無咩時間，早餐除左食麵包之外，唔少人都會選擇食即食麥片作為每一日嘅開始。雖然好多品牌都會標榜麥片能夠纖體，但同時間好多人都會忽略當中大量嘅糖分，以及份量唔多嘅纖維，咁樣一定減唔到肥啦！不如就改食全麥麵包，咁樣就更加健康啦！
4. 零脂肪沙律醬
為左纖體，好多女仔都會選擇以沙律為午餐，貪可以攝入足夠份量嘅纖維素，而且又夠低卡路里。但好多時候喺選擇沙律嘅時候，大家就會唔記得左上面嘅醬汁其實更容易致肥，就算係標榜無脂肪沙律醬！因為就算沙律醬聲稱自己係零脂肪，其實當中卻會存有大量糖分，令你除左攝入過多嘅卡路里之外，更加會令你好快覺得肚餓。另外，研究亦都指出零脂肪沙律醬其實係會阻止胃部吸取食物中更多營養，因此對健康並無特別幫助。
5. 低脂花生醬
花生醬喺眾多嘅食物裡面，似乎係必定會被認定為減肥一定唔可以食嘅食物，因為睇上去十分肥膩。而事實上喺花生醬入面，就有最少15至17g係脂肪。雖然市面上的而且確係有低脂嘅花生醬，但對比同一般嘅花生醬，兩湯匙嘅低脂花生醬就只會減低10至20卡路里，全因當中仍含有糖分及其他調味料代替左原有嘅脂肪。
6. 代蛋粉
唔少人都認為雞蛋係唔健康嘅食品，覺得當中所含嘅膽固醇或者脂肪會引起心臟病等危疾。雖然美國心臟協會已經表明每天進食雞蛋一隻係唔會造成健康問題，而且引發心臟病嘅主要元凶係飽和脂肪而並非膽固醇，但唔少人到宜家都會寧願選擇代蛋粉取代鮮雞蛋。但其實相比起真正雞蛋，代蛋粉嘅營養價值根本唔夠高，所以要食都係食番真正雞蛋較好。
7. 低脂蛋黃醬
蛋黃醬用黎整三文治無錯係非常可口，但其實好多聲稱低脂或者無脂肪嘅蛋黃醬，當中都會以無數嘅化學物質代替原有脂肪，根本並唔健康。如果你係喜歡蛋黃醬嘅話，或者下次你可以選擇更天然嘅牛油果代替。
8. 椒鹽脆餅小食
喺西方嘅減肥餐單裡面，有部分會認為傳統嘅椒鹽脆餅小食係種纖體可食嘅零食，因為大部分都係標榜為零脂肪，而且更加係由小麥製造。但喺實際情況當中，椒鹽脆餅小食嘅製作原來卻係精製小麥而並非全麥，因此無論喺蛋白質、纖維、維他命、礦物質方面都並唔太高，令您食完之後無飽肚感覺，越食越想食。
9. 罐頭湯
雖然有部分罐頭湯聲稱自己係低卡適合纖體時食用，但由於當中含有大量鹽分同調味劑，因此其實係相當唔健康。除此之外係好多嘅研究當中，罐頭湯曾經被驗出含有BPA，一種有機會引起癌症嘅物質，因此不宜經常食用。
10. 低卡微波爐餐
為左每日嘅餐單同攝取嘅營養可以受到控制，有人就會選擇標榜為低卡嘅微波爐餐黎充飢。但其實喺大部分嘅微波爐餐裡面，內含嘅蛋白質同蔬菜都係唔夠，而且所選用嘅更並唔係全麥食品，同埋含有大量調味料例如鹽分，對健康有害而無利，建議都係自己煮午餐帶飯公司，集中以烚菜為主菜最好。
11. 土耳其煙肉
相比起平常煙肉，有部分人會喺自己嘅英式早餐中選擇土耳其煙肉，希望能夠健康啲啲。但其實要減肥真係唔應該食任何煙肉，因為當中所含嘅鹽分同卡路里都係相當之高。
