【臭味拜拜】免費攞Starbucks咖啡渣！造吸味包包～

SY經常投訴:「好臭間房」，其實我也不時覺得木櫃內很大甲醛味，可惜苦無對策。不過，上星期舅仔介紹:「用咖啡粉啦！吸濕又吸臭味。」

我:「我通常飲罐裝咖啡，無粉喎」。舅仔:「你可以去Starbucks攞咖啡渣， 唔駛錢呀！」(免費咁正？？)

舅仔:「係呀！不過，你攞返屋企要放入焗爐焗乾佢， (我都無焗爐)，微波爐都得，你每5分鐘咁叮，每次攪混攤凍再叮，叮2-3次就得。」

(之後點呀？) 舅仔:「記得攤凍晒先好入袋呀，可以循環再用，2個月左右，再放返入微波爐叮下佢，又用得返。」

本來我認為「平嘢無好，好嘢無平」，免費又怎會好用...…原來大錯特錯！

一細包， 竟然50呎房間的怪味都可以癖走，而且還散發淡淡的咖啡香...…

我心諗:「其實，可唔可以指定要邊款咖啡渣呢？ 如果有水果香味嘅咖啡渣...…咁我間屋咪可以變做雜果賓治囉！正喎～」

大仁生活