最近老細見到其他公司班老屎忽有Personal Assistant跟身，自己又話要請返個喎，Offer幾好架~扣埋MPF都仲有20K。結果請返黎個女大學生三日就Quit左喇，照舊規矩Quit之前人事部都要安排佢入房講下因咩事Quit既。

點知個女仔一入房就爆喊：「我大學畢業，做Personal assistant我諗住都係啲文書工作，book下機票咁，點知工人病左竟然要我落街市買餸，上星期五XX傢俬公司大減價，又要我去搶平貨！」

我(聽到呆左...…)：「咁你覺得呢三日入面，最委屈既事係乜？」

個女仔點知爆得仲勁：「點講出口啊？！」

之後就奪門而出，錢都唔拎……叫JUNIOR打返俾佢拎返張CHEQUE又唔覆機，睇黎要寄返張CHEQUE俾佢。

究竟老屎忽做左咩事咁過份呢？