食物金字塔都有講，每日食得最多既應該係澱粉質，咁照計薯仔都應該食得多好啲。但係，有專家就發現，每個禮拜食4餐以上薯仔的話，患上高血壓既機會亦會增加，講緊既仲係無論你用咩方法去整個薯仔都一樣唔健康。
曾經喺英國醫學雜誌發表過工作既專家，20年嚟一直喺3個大型項目中觀察187,000個男女，並進行數據分析，結果發現如果經常食薯仔既女士們比起男士們有高啲風險患上高血壓。研究人員仲提到，一星期食超過四餐馬鈴薯，無論你係白烚、焗定食薯蓉都好，患上高血壓既風險都會比嗰啲每個月只係食薯仔1次既人高出11％。哈佛醫學院既研究人員就指出，其實食任何由馬鈴薯製成既食物，我哋得太多太密的話都會引起血壓問題，咁係因為高澱粉質食物喺我哋身體入面會更快釋放能量，從而提升血糖，於是引發血糖水平急劇上升；而一啲馬鈴薯製既食物例如薯片，佢喺油炸過程中產大量脂肪，直接威脅我哋既健康。
英國心臟基金會（British Heart Foundation）高級營養師Victoria Taylor表示，雖然食得太多馬鈴薯製既食物，會引起用高血壓等問題，但引致高血壓問題仲有其他飲食、生活方式既因素。另外，馬鈴薯係英國人經常食既食物之一，佢本身含有豐富既維生素C同鉀，而當我哋焗或者白烚薯仔時，呢啲營養就剛好保留咗喺薯仔度。而倫敦國王學院（King’s College London）既Professor Tom Sanders就指出，身體過重，攝取過多鹽、酒精，以及攝取唔夠鉀的話，都會對血壓有所影響。一般嚟講，水果、蔬菜、雪菜呢類食物都有效降低血壓。
