RMK 2016 summer collection

其實，我是一個好保守嘅人......尤其在化新娘妝，我多年都係主攻大地色......一定造到我追求的耐看效果......而看過我的blog 嘅人，都知我最怕粉藍色同粉綠色的眼影 ~ 尤其化到冇層次，實實的，10里外都見到對蚌精眼。

但尤於天性敗家，亦愛美......就算未造beauty editor 前，我都會時時買啲唔同嘅產品試試。造了beauty editor 後......更常提醒自己，要有open mind......試多啲新嘢......未試過就band，太唔公平......試完才能講得出精緒所在嘛......

所以收到RMK 這SET 新色......雖然有點 「特然」 ~ 藍色眼影和紫色。粉紅色mascara ~ 真係全部都係我comfort zone 以外的色系......不過......括出去，試咗先講。

Crayon color eyes (防水眼影筆), 含防水配方, 能令眼妝在夏日都不會咁容易溶。早幾季，rmk 都出過類似的 crayon......但這季的出品，感覺上 「臘質」 多一點......但仍很易blend 開；也許我上得不太厚，所以化了半天，都沒有在眼摺位 「卡」粉。而這色，就算用水冲，都不會化開 (當然，你濕水後，用tissue 印乾就好，不要捽…否則都係會甩架)。 一系有5色......啱晒你去開船p 扮靚用。

mascara 亦於以前的季度出過雙色擦頭......顏色不只限於黑和啡......這季的出品…就有3款：紫+紅、綠+藍、深紅+綠。而一如以往，RMK 的mascara 都係可以造到纖長而不赳結…乾淨利落。

胭脂有兩色。我用的係EX-15 frosty rose…啲色夠晒剔透甜美…但令我幾驚喜的係唇膏…以為06 Cassis Rose幾紅…但原來啲色都係好透的，有啲似lip gloss 的效果，但又冇lip gloss 咁笠。感覺會涼浸浸的，原來加了薄荷同有SPF16 PA+添 (真係比你去船P 用)

化妝出嚟，都幾意外的FRESH ~ 最緊要唔係蚌精…淡得嚟，的確有點SUMMER LOOK。

我用的眼影筆係02 Light Blue (畫眼蓋位 + 下眼線)。 再用EX-17 SKY BLUE 眼影粉蓋上去 (啲色淡淡的….OK，唔係實的的嘅蚌精色) 再用rmk 的02 啡色眼線 (這是上季產品，是不會預水化開的，非常lasting) mascara 用EX-01 Purple red (上睫毛用purple，有放大眼妝的效果，下睫毛用紅，有點玩味) 胭脂用EX-15 frosty ro (靚到好緊要!) 唇膏係06 Cassis Rose。

你問我…我都係會覺得化新娘妝都係用番大地色啱啲…但如weekend 出街，化吓這些玩味得來又幾特別，有潮流感的妝容則冇咁悶。

好la…講防水………我永遠用跑步去測試… 比阿sir 鞭策下， 喪跑2小時…差啲要call 白車…成身濕晒….胭脂就冇晒la (因抹咗n 次汗…抹清了)…雖然場地燈光痲痲，但都睇到眼妝冇化，冇乜甩。

我重申：忍真造運動時，當然不要化妝la，瀟灑啲嘛！偶爾，如出賽…你又想大會啲相 「靚仔啲」…咁咪化個防水妝law  (以我經驗…出賽，最好的化妝品係帶超……遮住對眼好緊要…因跑到半死，我會反白眼…樣衰冇限…化到眼妝幾靚都冇用…HAHAHA)

不過不過…實驗證明，這些化妝品堅LASTING 同防水…夏天好啱用。

後話：

RMK 與 tout a coup 合作，以「愛上陽光，愛上RMK」 為概念，重點推出以上介紹的限量防水眼影筆，防曬修護唇膏和多款產品。

由5月1-15日，於RMK 購物滿 $700 (其中一件為夏日新色)，可獲得RMK X tout a coup limited edition 化妝袋+ sample size 粉底霜和makeup remover。

而在推廣期，於tout a coup購物，可擭贈RMK 防曬底霜試用裝 + 免費預約RMK 重點彩妝服務。如之後在RMK購物滿 $700 (其中一件為夏日新色)，可獲得RMK X tout a coup limited edition 化妝袋+ sample size 粉底霜和makeup remove 之外，仲會有補濕卸妝膏試用裝，防曬底霜試用裝和防曬粉底試用裝。