日本向來都受香港人歡迎，除咗日本野食、文化夠吸引之外，仲因為日本唔同地區擁有既特殊地理環境因素，無論係大城市，抑或鄉郊大自然都一樣咁吸引。企喺靚景面前，又點少得影返輯相留念呢？以下就為大家介紹5個最熱門既打卡景點。

1. 立山黑部

立山黑部山脈路線長約100公里，可以由大町方向既登山口扇澤車站，換乘無軌電車、地下纜車同空中纜車等，一共有約六種交通工具，都可到達位於山脈路線中心既室堂。立山黑部係亞洲地區最著名的觀光勝地，係個海拔3000公尺既高山，所以一般都比較凍，就算到咗4、5月最高溫度都只係去到約攝氏10度，最低只得零下五度，一直被譽為「日本最後秘境」，因為佢位處日本北陸地區，所以又有「日本阿爾卑斯」之稱。另外，自古以來日本人都相信立山有山神，加上因為火山呢種自然景觀，於是令人們聯想到佛教入面既「地獄」，所以加入咗好多同地獄有關既地名，例如「餓鬼田」、「地獄谷」、「血池」 等源於地獄既地名。

IG熱門搜尋hashtag：#雪の大谷；#立山連峰；#雨晴海岸

2. 沖繩

位於日本最南部既沖繩，當然係最啱鐘情陽光與海灘既你，沖繩縣首府既那霸市，亦係日本唯一亞熱帶氣溫既一個縣，呢度全年氣溫平均23℃，冬天都唔會太凍，去到20℃左右；但因為嗰度每年都多颱風，所以又叫「颱風銀座」。沖繩四周都被海洋包圍，有清澈既海水，色彩繽紛既珊瑚礁，仲有多種棲息既海洋生物，成個感覺就好夢幻，靚到有如置身仙境一樣，當然仲有沖繩特產，包括鳳梨、麻糬、黑糖等，

IG熱門搜尋hashtag：#世界が恋する海；#渡嘉敷島；#阿波連ビーチ

3. 北海道

四季分明既日本之中，就以北海道既四季之美最經典，亦因為呢個原因成功吸引咗唔少遊客去玩，當地新鮮既空氣加上清澈既藍天，有丘陵地帶亦有山巒。位於北海道伊達市大滝區既三階滝町，更係觀賞野生鳥類與散步既好地方，如果出發夾啱時間，仲可以睇到紅葉綻放既美景。另外，北海道既羊蹄山，山型線條有如富士山一樣咁靚，亦係一座美麗既火山，係嗰度仲可以睇到星空！

IG熱門搜尋hashtag：#shikisainooka；#hokkaido；#sangaitaki

4. 九州熊本

九州既自然環境複雜、多樣，地形四周環海，有特殊既海岸線、孤島，當地除咗有火山，有「火之國」之外，仲有好多溫泉。隨着九州新幹線的開通，加上物價比較便宜，因此深受唔少觀光客歡迎。日本三大名城之一既熊本城亦位於九州，熊本城又稱銀杏城，佢係利用自然地形而築成既巨大石牆，堪稱日本築城一絕；另外，呢度亦係觀賞櫻花既好去處。

IG熱門搜尋hashtag：#阿蘇郡；#kaimondake；＃開聞岳；#kyushu

5. 闗西

一提到關西地區，你一定諗起京都、大阪呢啲歷史名城，當中一定要介紹既係位於日本京都市伏見區內既神社，因為佢係遍及日本全國各地約四萬多所稻荷神社之總本社，在境內所擁有「千本鳥居」聞名。

IG熱門搜尋hashtag：#Kensai；#京都府乙訓郡大山崎町；伏見いなり神社