去同朋友飲野嘅時候，好多人都會習慣左自己叫開嘅cocktail而繼續叫同樣嘅飲品。但其實咁樣做除左令飲個一個人覺得好悶之外，從酒保嘅角度黎睇您或者係有更好嘅選擇，唔應該重複飲你手上面個一款質素唔高嘅酒精飲品。
咁究竟有咩嘅Cocktail對於酒保黎講係唔應該再叫嘅呢？外國知名酒吧Punch Bowl Social的飲品總監威廉斯就提供左以下清單，希望大家可以盡量避免order下列飲品，嘗試更具特色嘅Cocktail。
▼Mimosa▼
Mimosa係好多人必叫嘅一種Cocktail，最主要嘅原因係佢價錢夠抵，可以一叫再叫都唔會肉赤。無錯，Mimosa的確係好平，但如果你真係想嘆一杯酒嘅話就真係唔應該叫佢。因為Mimosa根本就只不過係一杯低檔次嘅有氣酒。如果你喜歡Mimosa嘅話，下次不妨可以改叫下French 75，相似味道而且酒精含量唔高，朝早下午同朋友輕鬆暢談都可以選擇呢款酒。
▼一切跟「tini」有關嘅Cocktail▼
雖然喺唔少嘅地方都會見到飲品菜單會有乜乜「tini」咁嘅飲品，但其實呢種嘅Cocktail係同martini無咩關係，只不過係一種方便餐廳製作嘅甜酒。如果你真係想飲甜酒嘅花，下次你或者可以試下Southside，淡淡嘅薄荷同檸檬味配搭Gin酒，比乜乜「tini」更值得order。
▼Amaretto sour▼
Amaretto sour係一種入門級別嘅Cocktail，純屬係阿瑪雷托酒加入含有酸味嘅調味，例如檸檬汁等。雖然Amaretto sour亦係另一種較為保守唔會點出錯嘅飲品，但由於佢嘅甜味一般都會蓋過左酒本身嘅味道，因此佢並唔係一款味道平衡嘅Cocktail。如期叫Amaretto sour，不如都係叫Whiskey sour吧。
▼Long Island Iced Tea▼
Long Island Iced Tea又係一款個個都識嘅Cocktail，亦因為呢種Cocktail太過普通同埋常見，基本上酒保都唔會花心機幫你好好調配呢種飲品，只會約略將所含有嘅成分倒埋一齊就算，對於品質無咩要求，所以最好就唔好叫呢款酒。
▼7 and 7▼
基本上7 and 7就係將酒保手頭上有嘅威士忌同埋汽水撈埋，咁就係你所要求嘅Cocktail，所以根本無任何特色可言，只不過又係另一個穩陣嘅選項。其實如果你係想品嘗威士忌嘅話，不如叫番杯Old Fashioned好過啦？
▼Lemon Drop▼
喺一般嘅Party當中，對於酒量唔係太好嘅人黎講Lemon Drop就係一個唔錯嘅選擇，容易入口之餘味道仲好似普通嘅lemonade一樣。但如果你開始覺得成日飲黎飲去都係Lemon Drop好悶，或者你下次就可以試下味道相近，同樣以檸檬作為主調嘅Tom Collins。
▼Rum and cola▼
Rum and cola係唔少係20幾歲，年少氣盛時必叫嘅飲品，完全真係為左飲醉而飲，全無品質可言。如果你真係好鐘意Rum and cola嘅味道，或者你可以嘗試轉飲 Dark & Stormy，Rum酒配上姜啤應該都適合你嘅口味。
