【長洲半日遊】必食三寶+攪笑老闆Sell西瓜

仍然是長洲平日遊， 昨日說到母親節飲茶後趕船入「包山嘉年華」， 玩完我最期待的爬包山後， 便是阿囝的最愛環節， 磨打式瘋狂攤位遊戲！！

如果， 要選舉攤位遊戲殺手， SY當之無愧， 以他的落力程度， 每個攤位的姐姐， 姨姨一見到阿囝就即時面帶問號的說:「你又返嚟嗱？」

不過攤位遊戲的魔力， 並比不上一個「波」...…

我說:「嗰邊有小丑扭波波喎」， SY登時放棄排隊， 走去找小丑哥哥...…

小丑哥哥:「小朋友你想扭咩呢？ (SY:布甸狗)， 吓...我唔識喎，機械狗得唔得？， (SY:咁我想要把劍)， 劍……得…...」

不過，此劍的命運，不出1小時，已被破壞之王當真劍玩到爆開了。

今年的佛誕是5月14日，所以今日的三座包山還似剛剛開似整理，師傅答:「2-3日啦，星期三左右應該就會攪好晒」辛苦晒各位，天時暑熱，大家也身水身汗。

之後， 本來年年會探的雞蛋仔婆婆， 原來真的退休了...…

SY:「唉！！ 我都好想食雞蛋仔...點解婆婆唔做呢？」(仲駛講..實係衰業主加租啦) ， 新舖名叫Remember...…係咪有意思呢？ 

包山的主角，一定是平安包，佛誕前入長洲，一定要應節食包，因為之前看飲食男女訪問郭錦記睇到喊，自此買平安包一定只到這裡。

而街坊會一樣正準備平安包...…SY:「咁多包， 點食呀？？」取其意頭，愈多人得到祝福就更加好啦。

長洲一定是出名平安的小島，因為不止有平安包，還有平安西瓜。

其實只是去年青衣戲棚的電鑽西瓜，不過老闆好攪笑，我也忍不住買了一個來食。

冰鎮即鑽即食西瓜$30，但走過幾檔，未雪又不包開的西瓜$20...…

$10買個享受，30度的5月初，抵到爛啦。

我已經有7年沒有食過甘永泰魚蛋， 因為次次過來舖位...…

一定過18:00...…年年也關門大吉。

今年竟然給我買到全店最後一串芝士丸+三文魚丸...…

嘩！！ 有運行！！有運行！！

臨上船前，一定要走到長洲天后宮前中興新街「芒果王」買糯米糍.全長洲最好食，皮薄得如A4紙一樣...…

之前有網友質疑:「咁薄不如淨食芒果」，不過單單食芒果，又沒有了煙煙韌韌的過癮…...

我買到連老問娘鄭太都認得我，所以我經常話長洲人最有人情味。

大仁生活