【時光倒流70年】香港飲食文化展：$20任食懷舊街頭小食x3

時代廣場又有得玩， 今次是我的最愛， 玩懷舊...…本港飲食文化展覽。

展覽會有當年香港的街道面貌， 看看時代廣場對出的波斯富街60年前後的對比吧！！

收藏專家張先生借出他的珍藏， 他說:「以前餐廳嘅火柴盒係任攞，我就廿年前買返，最貴係四喜大飯店嗰個，要過百蚊。」(千金難買心頭好，超值！)

富瑤酒樓的廣告有何特別呢？？？ 當我再看一看地址...…

哎呀！ 原來就是今日名人飯堂「福臨門」的前身...…(係咪大劉BB就食富瑤，依家就食福臨門呢？)

展覽期間，每逢周末及公眾假期，場館更加好玩，因為只要你捐$20予護苗基金，就可以即場任食三款「懷舊街頭小食」。

今日有錢師傅一家來炮製雞蛋仔、糯米糍、麥芽糖餅、龍鬚糖。

錢師傅姐姐製作糯米糍超過20年， 她說:「我爸爸當年做廚，啲街頭小食，我哋7姐弟妹全部跟佢學㗎～」

搓揉拉扯看似十分好玩，大家姐說:「最緊要糯米好，花生炒得靚…..(我都想學做呀！ 得唔得？)，無問題，好簡單嘅啫。」

自己糯米糍，自己拉， 暖笠笠，平日也不覺得如此好味道，今日親手做...…份外驚為天人的好食！

(大家姐批准我跟她搵食...…發達啦…...我搵到Part Time喇！)

其實， 去年聖誕節我們在另一個商場也親眼見証過錢師傅的龍鬚糖秘技，今日再看，依然神乎其技。

不過， 上次玩過龍鬚糖， 今次我要轉戰雞蛋仔…...

錢師傅:「最重要係個蛋漿，份量要試到最好，咁你個雞蛋仔先好食...…」(如果師傅教埋我溝蛋漿就好喇～)

與其說我今日做雞蛋仔， 倒不如說我只是將蛋醬注入模具內...…真的幼稚園BB都做得到…...(只要唔好倒太多...…滿漏實畀人鬧)

2分鐘的等待， 怎也想不到我也可以烘得一底外脆內暖的雞蛋仔喎...…雖然周圍不平均， 但連師傅也說:「嘩！ 無得頂...…90分！」

多謝師傅冧得我好高興， 我很想即場鍚你一啖～

「香港飲食文化」展覽
日期: 2016年4月28日至6月5日
地點: 時代廣場 露天廣場

「香港街頭小食檔」: 凡於周六、日及假日下午2時至7時， 於時代廣場捐$20予護苗基金，即可於展場內任食三款小食。數量有限，送完即止。

日期
30/4， 1/5， 2/5 : 雞蛋仔， 糯米糍， 麥芽糖餅， 龍鬚糖
7/5， 8/5 : 砵仔糕， 糯米糍， 白糖糕， 芝麻卷
14/5， 15/5 : 蛋撻， 菠蘿包， 叮叮糖
21/5， 22/5 : 砵仔糕， 糯米糍， 白糖糕， 芝麻卷
28/5， 29/5 : 蛋撻， 菠蘿包， 叮叮糖
4/6， 5/6: 雞蛋仔， 糯米糍， 麥芽糖餅， 龍鬚糖

大仁生活