【電子舖平賣Lego？】失驚無神執到寶　$35散買都得！

今晚， 本來我打算到深水埗買個新耳筒， 誰知我眼前突然一亮， 大聲跟囝說:「咦...…點解E度會有Lego賣嘅？仲咁平添。」

這套去年油站換購的Lego，對於無車階級，只可以食炒價入貨。所以本來要$80一包的法拉利積木車， 我完全沒有想過要買。

但今日福仁電腦商場內，竟然$239便有齊一套7包。最正的，當然是散買一樣得，除了油車$59，其餘全部$35，真的抵到爛。

SY對我說:「哥哥話咩識玩，就買2包油車，因為可以加長喎，佢話街邊見到D油車點會咁短。」(係喎...…咁就要多一包油車...…難怪油車特別貴啦)

除了2015年Shell V Power Lego版，店內還有2014年第一代版本，不過欠了兩款。 (如果有齊一套，至少旺角舖頭賣緊$699)

不過儲人仔的我， 還是忍不住手買了一包第一代的入油員$69。

同場還有兩款蜘蛛俠， 各$89...…這款不太平，市價也是$95，不過順便為了蜘蛛俠而齊齊放入購物籃啦。

其實，現場還有Starwars、復仇者等戰機及交通工具，不過我只愛Lego人仔，所以影了相留念便算擁有。

沒有深究， 為何一向只賣手機等電子配件的店舖會有得賣Lego...…我們兩仔爺只想快快回家，即時進行一晚一包的砌Lego親子行動啦。

SY:「砌油站先啦爸爸...…(我:點解唔砌蜘蛛俠？)，有油站，之後D車先可以泊車，最後先砌蜘蛛俠，因為佢要揸車。」

執到「筍」玩具，特別開心，特別今晚只用市價三份一便入到貨，真的發夢也笑醒兩次㗎。

福仁電腦商場
Lego法拉利模型車Shell V Power 2015版 $239(全套7包)
地址：深水埗福華街161-175號 (地鐵 D2 出口左轉)

大仁生活