我未食過新鮮即炸卡樂B,有得試, 當然第一時間去試啦!!

據蘋果動報導, 夜晚「Calbee Plus」排了200米人龍。心諗:「中午去嗰陣都超多人,估唔到咁多人鍾意食即炸薯片喎?」

朋友B答:「全部巴膠排隊每人買2架巴士咋...…一放上網就買過$800, (我:吓?咁好賺? 仲有冇貨), 一早賣晒,截埋龍啦,你無買咩?」(梗係無啦)

巴士不關我的事, 還是寫回卡樂B薯片...…薯片店其實就是零食物語+薯片工房的結合店。

我沒有去過日本總店,不過親自透過大玻璃,望實工作人員炸薯片、揀薯片、運薯片,很過癮!很有實驗室襟緊急掣的感覺。

原來薯片在油鍋炸來炸去之後,機器會自動將所有薯片拉出,烤盤似十足上瀡滑梯一樣,最後完成品就會一片片掉進大盤裡。

店員灑上調味很有氣勢呀! 我都想可以有機會入去試試自己薯片自己炸...…

可惜,當然工作重地,老仁與狗不能內進啦!!

店內有11款薯片,2款薯條。如果你揀選朱古力或雙重芝士,店員會親自為你添加所需醬料。

我扮天真問:「可唔可以加多啲芝士同朱古力醬呀?」,店員正氣答:「唔可以架, 因為份量要跟足日本指引。」

(早知我C奶殺手問後面位姨姨,後悔問咗個哥仔。)

薯片有分波浪紋, 或平切兩款...…自己鍾意前者厚身,又有口感;薄片太鬆,太傳統,似食一片風。

原來即炸即食薯片,真的會有食不停口的誘惑,特別是香港獨家的「避風塘香辣味」($29),帶點鹹蝦味,刺刺激的點點辣,加上即場氣氛...︸

好正!好有能量!

我覺得原味薯片+朱古力醬+雪糕 ($45), 一定要Encore,真正冰火軟硬一次過感受得到...…不停食不停食…...

不過, 同場有Blogger開Live Feed講:「麥記買$5蚊薯條+$7蚊新地,感覺都差唔多啦」(唔~唔~等我返屋企種吓有機菜諗諗先。)

另外,即炸芝士薯條 ($32) 經我左影右影之後,仍然暖笠笠,而且口感真完勝M記。

沒有硬硬實實,鬆鬆軟軟,(點解呢?唔知),總知今次食得堅會笑。

想買包裝薯片回家食,店員:「櫻花蝦鹽味蝦片($8)係香港限定, 日本都無架」 ,微微微咸蝦味,靚靚櫻花形狀,口感似明輝……

(可唔可以炒返過日本賺水腳呢?)

在場有女士大讚:「瀨戶內檸檬味薯片( $13) 酸酸咸咸, 酸酸咸咸,好清新呀」

我之前食的桃味,好食好多啦!! 而堅燒薯片( $14), 日文「堅」與「硬」同義,真係堅硬...…太硬…...要練牙力一流。

Okashi Galleria × Calbee Plus
地址:灣仔皇后大道東200號利東街地下G14-15號(合和中心對面)

大仁生活


 【堅睇住佢炸~】薯片新鮮熱食,真係正D!

 https://www.facebook.com/hayakutang