結婚話哂都係人生大事，新人梗係想影返輯相留低美好回憶啦，等第日都可以回味吓呀嘛！咁所以，你知事前揀一間口碑好既婚紗攝影公司係有幾咁重要啦？但係，近日喺網上就有一位網民上載咗一輯婚紗照，仲勸各位準新郎新娘，揀攝影師既時候要小心。原來將啲相放去社交網絡既，就喺輯相入面嗰位新娘，佢強調自己喺收到攝影公司寄嚟既DVD之後，將啲相直接放上去，絕無後期加工！
1. 奇怪既黑白色
▲呢兩張相，主角應該就係新郎啦。之但係，張相入面得佢一個，仲要淨係個人既位置變咗黑白色調……好似唔多吉利喎！
▲至於呢張，無啦啦得個亭係彩色，一對新人、旁邊啲樹都變哂黑白色，就算玩effect都好，一對新人整到變黑白色，始終唔係幾好啦。
2. 神級角度
▲嗱，呢張色調就啱，但個角度出事呢！而家個個影相都中意高炒，偏偏呢張新娘宣讀誓詞嗰陣，攝影師無啦啦用個低角度炒上去！雖然兩人睇落無特別肥，但……就係有啲怪囉。
3. 焦點／主題係咩呢？
▲呢張相既主題係交換戒指，後面無啦啦企咗個人（應該係工作人員或者嘉賓）喺度，真係叫人無限聯想！
▲祝酒環節，記低咗大家開心大笑一刻！（自己揾亮點）
▲呢張……試機啫！（好似係）如果唔係，無理由會blur blur哋……
4. 「出賣」表情
▲影到位靚靚新娘，好似飲醉酒，或者反白眼咁；攝影師連呢個微表情都捕捉埋，仲要寄返俾客人，唔通要讚佢「細心」？！
▲估唔到連一班姊妹同主持都受到牽連！點解唔趁大家都係「在狀態」嗰時先影呢？！
5. 呢啲……唔通就係藝術？！
▲filter呢家野真係唔好亂嚟，如果唔喺就好似呢兩張咁，變咗另類「感覺」；至於係咩？大家自己聯想吓啦！
照片來源：facebook
