雖然呢幾日嘅天氣突然因為下雨變得較為涼快，但係其實夏季早已經離我地唔遠，好快就會黎到。而由於冬天嘅時候好多人都認為厚厚嘅衫可以遮掩身形，所以有唔少嘅人都會喺冬天變得較為懶惰，令自己稍為鬆懈，唔及夏天咁Fit。
亦因為呢個原因，男士們就更加應該把握夏天正式來臨前呢幾個月，極速進行地獄式消腩特訓，將冬季所留下的身形重塑。
Plan定每一餐食乜
要喺夏季正式來臨之前執番靚個身形，對於每一餐嘅規劃都應該要更加慎重，所以最好就係喺每一個星期初設定每日早午晚三餐嘅餐單，同埋預留埋每日食幾多零食嘅quota。雖然咁樣做或者會令覺得好麻煩又姿整，但其實咁樣做先會避免到你打開雪櫃亂咁食野，拉高每日所攝取嘅卡路里。
碳水化合物唔係您嘅敵人
當您要喺短時間內減肥，不少人喺網上搵到嘅就必定會係要完全戒左碳水化合物先，但其實完全避免食碳水化合物食物嘅話，只係會令你去除左水腫，而並非真正減去多餘的脂肪。要將肥肉喺短時間內減去，更應該做嘅係選擇適合嘅碳水化合物食物攝取，例如避免進食經過加工的白色穀物，選擇真正天然嘅麥麵包或者麥米粥作為每一日嘅早餐，並喺每日運動之前進食香蕉，以糙米或藜麥作為午餐，最後喺每日下午3時之後，先停止食碳水化合物，轉為主要攝取蛋白質以及蔬菜。
選擇適合的蛋白質
另外一個經常見到嘅減肥Tip，就係要儘量進食含有較低碳水化合物但含有大量蛋白質嘅食物，就算食幾多都唔會有問題，令人誤以為進食紅肉係無問題嘅。低其實要將蛋白質轉化為強化肌肉嘅營養午，更重要嘅係喺滿足呢個條件嘅同時避免自己攝入過多卡路里及脂肪，因此更應該進食嘅就係鮮魚、雞肉，以及蛋白。
食大量嘅蔬菜
喺第一個星期試食減肥餐單嘅時候，你嘅身體就自然會需要自我調節，令你有飢餓嘅感覺，尤其喺傍晚時分。要抑壓自己嘅飢餓感覺，更重要嘅係喺設計每一道菜嘅時候都要加入大量蔬菜，令身體唔好依賴肉類產生飽肚感。如果你覺得蔬菜食落淡而無味嘅話，咁就可以嘗試用少量生抽、蒜頭、生薑調味。
識得用天然調味料
減肥菜單一向比人嘅感覺都係淡而無味，但其實呢個只係先入為主嘅感覺，並非必然的。只要你識得用天然嘅調味料，例如新鮮辣椒、蒜頭、生薑、芫荽、薄荷、西芹、檸檬、芥末，配合當日菜式使用。
識得揀適合嘅小食
有好多人都覺得減肥係唔可以食任何嘅小食，其實咁樣嘅想法並非絕對正確，因為食小食唔代表體重一定會上升。如果你想食下小食控制食慾嘅話，就可以選擇非油炸嘅堅果，或者莓類水果。
忘卻飢餓感
一覺得少少肚餓，有人就會立即要填飽自己，令自己唔會出現任何飢餓嘅感覺，但其實要將自己回復標準身形，減輕左平日多餘嘅小食或者食多左嘅食物，自然就會令人有少少肚餓嘅感覺，其實習慣左一個星期之後，就唔再會有咁嘅感覺。
飲多啲水
水除左能夠令你身體有充足嘅水分之外，更能穩定你嘅食慾，又唔會為您帶來額外嘅卡路里。另外無糖嘅花茶都能夠帶來類似嘅效果。
經常提醒自己嘅目標係乜
當你開展左塑身療程之後，可能進行左三、四日又未見到明顯效果，你或者就會開始放鬆，覺得飲食因為有左規律變得非常沈悶。喺開始發生呢個情況嘅時候，你就要記住自己要塑身嘅目的係為左健康，要以堅強意志繼續撐落去。
