【跟住360去旅行】太陽的後面旅行團　海陸空真．緊湊

我問SY:「你記唔記得4年前， 我哋都坐過360， 嗰日得2度， 大霧又凍」SY:「我唔記得凍唔凍， 不過好似有坐過纜車， 又好似無坐過」

當年三歲的小朋友果然沒有印象， 今日再帶SY去坐360...小朋友竟然驚到雙手出汗。 (竟然濕晒？？ 唔係呀？)

其實， 纜車又慢又無危險， 點解會驚？？ SY:「好高呀！好得人驚， 爸爸同公公要攬實我...好驚呀」

可能遺傳了阿太的畏高症， 所以纜車由未離地一刻， 小朋友便捉到公公實一實， 我:「你恰埋眼點睇風景呀？」

水晶車箱的好處就是地板全透明...…如果連車箱四邊及坐椅同樣透明，完完全全真水晶， 嘩！更加可以跟大自然似零距離呀！

經過約5分鐘的熱身...SY開始熟習了半空的感覺...當然就要來一個徹底享受水晶車箱的指定動作啦！ YEAH！

本來擔心天氣會如同4年前又霧又雨， 白矇矇一片， 但今日竟然較想像中更天清氣朗，經水晶車箱入面俯瞰機場， 原來好Lego Feel。

官方顯示纜車全程25分鐘，但快樂不知時日過，霎眼間又見到天壇大佛， SY:「吓？ 咁快就到啦？」(頭先你唔係好驚嘅咩？)

今日， 我們參加下午導賞團， 時間匆匆， 但有個好處， 太陽也差不多收工才出發，毋須太曬， 真「太陽的後面」旅行團 ...

所以360市集也還未有時間逛便要離開，有點可惜喎。

導遊姐姐講述今日行程，不過我們也心不在焉，因為旁邊有隻牛，行遠少少又有另一隻牛...…

原來，途經大佛一共有最少5-6隻大牛，導遊姐姐:「雖然佢哋耳仔有晒Number，但無人負責飼養，天生天養，同埋我哋都唔畀餵牛嘅。」

睇完牛仔...…我拉住SY:「同支大香影張相囉....哎呀！！！」嘩！原來大香跌落腳好辣好慶...…

SY:「我都叫你唔好行埋去啦」

最安全便走上幾百級樓梯睇大佛， SY:「我上次暑假都行過117級樓梯， 依度有幾多級吖？ (我唔知喎， 不如你數下)」

一有任務， 小朋友便會專心自己做自己的事， 這時我又可以得到一陣子的清閒...…可以影我的BEARBRICK。

SY:「224級樓梯...…不過呢…...點解導遊姐姐話有26X級呢？」我:「可能佢上埋大佛頂， 我哋都無上。」

趕時間還趕時間， 我們也快快買串龍蝦丸($20)醫一醫肚餓吧！！ SY:「好呀！好呀！」

不知是否肚餓，雖然串燒有點涼，但入味得來又爽口，幾好食喎。

大仁生活