【跳足6個鐘】當鐵人遇上恐龍歷險之旅 @ We嘩！充氣嘉年華

由屋企入元朗坐西鐵都算方便， 慢慢行45分鐘就到Yoho Mall， 不過SY好心急， 一出車就跑， 其實點解小朋友如此愛We嘩， 愛跳彈床呢？ (謎！！)

今次充氣嘉年華玩恐龍， SY一去到大叫：「嘩！ 好真好大隻...一定好好玩， 快D啦！快D啦！媽媽」

從前有隻兩層樓高的雷龍， 有一位小朋友由12:30一直玩到19:00關門。

有家長想去買小食， 小朋友:「媽媽， 唔好啦， 睇住我玩先啦」。

阿太:「你食完中餐唔駛食晏咩？」， SY:「我有得跳就得， 唔食啦」。

結果小朋友好開心玩玩玩， 家長就捱餓不停買卡樂B...…

我問SY: 「三角龍媽媽生龍蛋都好玩啦， 點解你玩咁少？」，SY:「因為我想跳恐龍， 入面有哥哥姐姐同我傾計呀！」

我:「工程車個樣同平時掘波波車唔同喎！」，SY:「係呀！ 不過大恐龍有三個瀡滑梯，D哥哥會問我叫咩名，問完又再問，次次都唔記得， 仲攪笑。」

今次小朋友明顯對一向喜愛的射槍、拋豆袋小遊戲興趣大減， SY:「梗係啦， 我要破紀錄呀！ 大恐龍超級好玩， 唔好阻我玩。」

結果， 這位小朋友進進出出大恐龍13次， 終於玩到工作人員也認識他的名字。

這位半日不食不喝的小朋友回程時意見:「早知我唔玩其他遊戲， 只玩大恐龍， 我想再嚟呀...…」之後攰到在地鐵睡著了！

「We嘩！ 充氣嘉年華」Yoho Mall 恐龍歷險之旅
日期：2016年3月19日至2016年4月10日
地址：元朗YOHO MALL I及II
時間：上午11時至晚上7時

大仁生活