不能錯過的婚紗品牌Instagram

周未又收到紅色炸彈一枚。似乎年紀愈大，接觸得最多的不是皺紋，而是梅花間竹殺你一個措手不及的紅白二事，悲喜真的是一瞬間，天天上畫，從無間斷。

當然，即使破財還是開心朋友可以順利出嫁，尤其係見到靚到「dump」一聲的結婚相。

(每一次見到朋友嘅結婚相。我都好懷疑相中人是我認識的嗎？點解全部突然變曬靚仔靚女？而且仲好好身手，45度角拗腰再擰轉頭同另一半錫錫的甫士，除左葉問，可能只有影結婚相嘅人可以駕馭得到。)

source:www.lizelles.com

做新娘幾時都忙過新郎。女仔貪靚天經地義，對於人生最緊要的一件事，就係點都要靚！而能夠令新娘變成全宇宙最靚嘅重要道具，就係婚紗！

咁重要嘅道具當然唔可以馬虎，即使負擔不起大品牌，也可以留意他們的設計從中偷師。

以下是一些比較有名但又好鬼靚嘅婚紗品牌Instagram，加上大量好有feel的婚紗照，點都比到少少靈感俾一眾準新娘嘅！

Ig: verawanggang

Vera Wang

唔使講都知，維拉王的婚紗係很多女士們的Dream Dress，加上充滿藝術氣息的照片，就算買唔起都可以參考下。

Ig: albertaferretti

Alberta Ferretti

以性感掛帥的Alberta Ferretti，出婚紗年資唔夠兩年已經人見人愛。婚紗款式貫徹始終浪漫不羈， lace薄紗樣樣有d，女人味爆燈，連摩納哥新晋王妃Beatrice  Borromeo都著住佢出嫁就知呢個阿伯唔簡單！

Ig: elisehameau

Elise Hameau

可能比較冷門，但對於Vintage迷來說應該不陌生。Elise Hameau擅長復古婚紗，專門打造七十年代法式風格，文青最愛。

Ig: RUEDESEINEBRIDAL

Rue de Seine

同Elise Hameau路線相近，走波希米亞feel的巴黎浪漫風格，照片氣氛一流。