【北角開分店】大件夾抵食：「Starwars」雲吞雞

「生煎皇」我由西洋菜街食到Oscar搬到油麻地新寶旁邊。

因為我跟SY有鍾情上海菜的基因，「生煎皇」北角開分店，一定要試。

「城市中心商場」究竟在哪裡？ 下雨晚上，幸有乾衣店老闆指點:「唔係我依邊呀...…直行2分鐘， 見到OK隔離先係。」

原來北角有一個新改建的劏房商場，「生煎皇」就在地庫最角落位置，店舖位置多過油麻地最少3倍。

甫坐下， SY望左望右大叫:「爸爸我要食生煎包...…咦…...你又話生煎包係度嘅？」

(PS:過了海的生煎包沒有失準， 多汁好味，只是睇不到老闆，有點不慣。)

我:「係囉...…可能佢要睇住油麻地間舖掛， (囝:咁點解我哋要咁遠嚟食呢？)，因為爸爸想食砂鍋雲吞雞囉。

說好的砂鍋呢？ 連店員也不知道不用砂鍋上的原因...…「依個鍋都好重吓，可能砂鍋太重掛。」

爛gag友上身的SY:「Starwars？ (我:砂鍋)， 爸爸！我仲以為雲吞湯有Starwars， 哈哈哈……」這個「砂鍋」笑話，SY說了一個月依然一講就自己笑。

$88 雲吞雞，真真正正足半隻雞，大大隻雞髀，五粒大雲吞。

10年前波鞋街未重建， 有一間40年老上海店「友誼小館」，砂鍋雲吞雞都要$58。

SY:「嘩！$58蚊咪仲抵， 有無依度咁多雞？ (我:係十年前呀！ 阿囝)」

不過今晚很有趣，半隻雞斬兩份，一半肉嫩，但另一半有少少老。

老實說， 不知是否看慣了的Oscar不在， 總覺得...…雖然湯底滿有雞油香， 但少了一點人情味。

因為次次臨走前，老闆一定會關心問句:「點呀！ 今日啲嘢食得唔得？」

金頤小館
地址：北角電氣道 233 號城市中心商場地庫 297-301 號舖
 (免加一)

PS: 聞說這店是染布房街$98海膽飯老闆找Oscar幫手的， 難怪舖頭也不是叫「正宗上海生煎皇」啦！

大仁生活