【親子黑房玩曬相】$20 親自曬張黑白相．3月份限定！

上次說到，周六去觀塘【隱世那些年Cafe】，除了要尋回青蔥歲月外，最最最想玩，當然是「手機相， 黑房自己曬」。

這是Eddie 聯乘朱Sir， 3月份限定節目，只要在10樓  latent image 飲一杯咖啡，便可以加$20，走到8樓朱Sir的「明室」玩曬相。

我問朱Sir:「手機入面啲相都可以即刻曬出嚟？？」SY又插咀:「係囉！係囉！」

不知為何平日非常細膽的阿囝， 今日走到「明室」非常雀躍， 我問:「你唔驚朱Sir咩？ (SY:唔驚)」，朱SIR的親和力真強。

原來，我們先將想曬的相，用PhotoShop將它轉成負片，朱Sir:「之後就將部手機放入個我造嘅箱，大約10秒就得。」

其實，紙箱入面有一個鏡頭，直接就可以將影像曝光，印落相紙...…

之後就浸藥水、 顯影、停影，再定影；在全黑的環境下，SY人仔細細 第一次曬相，全程不知多高興。

不要問我詳情，朱Sir好用心解釋:「酸性， 鹼性...…幾多分鐘...…咩咩原理」不好意思，我完全一頭霧水。

SY則聽足指示，一分鐘、10秒、8分鐘…...最攪笑我們走出了黑房傾計，SY一人獨自繼續望著製成品...…

突然有人大叫:「爸爸！夠鐘啦……快D叫朱Sir，爸爸，點算呀？夠鐘啦！」

其實，他只是過清水，浸多3分鐘也沒有問題啦。

SY問:「朱Sir， 點解唔曬大D呢？太細都搵唔到我」

朱Sir:「你咪坐住單車上面囉，我都見到...…個Size就係我部手機大細，其實放平板都得，不過我要重新做過一個紙箱先得。」

SY:「好玩呀！爸爸...…仲可唔可以再曬過？」我當然無所謂，可惜之後有另一組朋友參加，我家武則天略有微言...…

阿太說:「你仲未溫晒默書呀！ 不如我哋下星期再嚟過啦，橫掂仲有3個禮拜六都有得玩。」

好呀！我都想再入黑房，原來我上次入黑房已經相隔19年喎...…好掛住這個味道，我下星期一定要再來呀！

※黑房沖晒只限星期六下午。 

※照片尺寸為2R。

Latent Image byEddie Chan

地址 : 觀塘觀塘道毅力工業中心10樓D
電話 : 56164515
註：只開星期六 2pm-8pm

明室

地址：觀塘觀塘道毅力工業中心8樓K