【自己雪糕自己唧】唧到13吋～免費有得食！

齋食雪糕， 已經不能滿足「雪糕殺手」的欲望，  所以上星期帶SY去大埔， 親手「唧」13吋雪糕！！

不過上次一到達， 老闆娘正在關門:「我哋閂8點， (我:吓！！畀我唧埋啦， 我哋專登旺角入嚟㗎)， 雪糕機都洗咗啦...…唔好意思」

得知無雪糕食的SY，登時想哭，老闆娘超好人，送了一個雪糕磁石給SY，說:「下次最好5點前嚟， 因為雪糕醬最好，同埋我哋做埋4月咋...…所以要嚟就唔好咁耐啦。」

我以為是新店， 原來這裡2013年已經開業， 急不及等待， 我們今日又再和雪糕玩遊戲。

SY:「爸爸你玩， 好緊張...…好緊張…...(我:點解你唔玩呢？)， 我唔敢， 我驚整跌」

我心諗:「車！！ 有幾難呀？ 我由細睇人「唧」雪糕啦， 「唧」13吋， 雪糕就免費， EasyJob！」

遊戲一開始， 甜筒可以盛約6吋雪糕， 嘩！！ 點解部機開著Turbo一樣， 我大叫:「咁快嘅！！ 啲雪糕出得咁鬼快？？」

在兜也兜不住的情況下...…雪糕淪陷啦！！

其實，我有少少失望，因為我怕SY又再次想哭，誰知他非常雀躍:「哈！！ 哈！！ 冧咗喎……哈哈哈...…好嘢， 可以食Lu」

原來， 小朋友不是為我打氣， 因為我成功與否， 他也只是「猴實」我碟抹茶雪糕。

其實， 我對沙冰質感的雪糕興趣不大， 阿太:「好淡口綠茶味好似差少少」(甜你又話甜，淡又話淡，你真係難服侍。)

食不停口的SY：「唔係呀！好食呀！又夠凍，我好鍾意」(基本上雪凍咗， 清水你都話好味啦。)

Brobdingnag ＆ Lilliput

地址：大埔汀角路10號大元邨街市地下S520號鋪
開放時間：周二至周日12nn-8pm (星期一休息)

大仁生活