【$30Selfie朱古力】一分鐘白泡變靚相！！自己飲自己落肚～

韓國玩Selfie咖啡熱潮冷卻， 點解香港遲遲未有舖頭引入呀？...…

一部Printer有幾難喎！ 終於今日可以自己食自己， Selfie朱古力自己打！！

挪亞方舟復活節有「反轉美食大派對」玩， 而今次竟然有得玩「Selfie朱古力」！ Yeah！ 

我不停問工作人員:「Selfie咖啡要等幾耐？ Selfie咖啡幾錢？」工作人員答:「其實因為主要畀小朋友飲，所以係熱朱古力，而唔係咖啡」(係！係！明白)

首先工作人員幫我們拍照， 我:「點解係草坡前？」工作人員:「Printer出嚟有底色靚好多」

杯面的泡泡要拉平一點是常識吧！不過，多到真的有點似蛋糕...…可能不想麻甩佬凹凹凸凸的臉全部現形吧！

之後打印就如同一部Epson正正常常Print相一樣，只是杯口面積細細，印得很快，不足一分鐘一家三口即時攪掂晒！！

(咁快？？ 我未影得切喎)

店員:「最好等30秒後先飲...…」 (無問題，30秒內要飲就係問題啫， 我左影右影無10分鐘， 都唔會飲啦)

阿太:「好香朱古力味呀！」 SY:「乜唔係咖啡咩？ 朱古力即係我都飲得啦？」

我說:「你可以飲呀！ 不過畀我影完相先」

當我影完Bearbrick， 阿太影完杯緣子， 又輪到我影SY...…阿囝不耐煩又問:「飲得未呀？ (我:飲得啦！飲得啦！)」

可能新技術關係，所以泡泡上的解像度有點低，但起碼較彩色卡通拉花為佳，因為放多久，面容也不會化開。

雖然是食用顏料，不含有害物質，但原來一接觸皮膚，也要大力用濕紙巾抺，才可抹掉顏料。

SY一邊飲一邊講:「我唔捨得飲咗爸爸媽媽...…(我:但你又飲緊喎？)，朱古力好飲呀！！我飲我自己咋麻...…不過D泡無味嘅？如果都有朱古力味就好。」

既然SY不捨得吞我落肚， 我便索性一隻匙羹， 將自己大頭一口自己食自己...…哈哈！

原來印了我自己樣的淡淡泡泡會有一種味， 叫「好和味」。(「爛Gag嚟架」)

Selfie朱古力 $30
挪亞方舟
3月19日至4月10日「反轉美食大派對」活動期間 (只供應星期六，日及公眾假期)
4月11日之後每天供應

大仁生活