【惡搞圖輯】9個辦公室惡搞場景

網絡熱話

消閒

2016-03-21 |

2612

望吓個日曆，4月1號愚人節就嚟到，大家一邊諗點整蠱人既同時，一定都會防範人，簡單講就係嗰日好難呃到人。但係，如果你有一日返到公司，見到自己個位，或者公司變成以下呢9個場景時，可能要認真諗諗，平時係咪得罪咗同事唔知，又或者公司嚟咗位咁有創意既新同事呢？

1.「半天吊」辦公枱凳

返到公司，第一樣要做既當然係揾個位坐啦，一張枱上面放部電腦，再加張凳應該係最基本，但如果以上既野樣樣齊全，只係全部「離哂地」兼且「半天吊」的話，唔單止你無辦法做野，就連你要放返佢地落嚟，睇怕都要先拆開假天花，再放返啲繩落嚟……等張枱凳還原之後，係咪已經差唔多收工喇掛？

（圖片來源：http://justsomething.co/wp-content/uploads/2014/03/meanest-pranks-office-18.jpg）

2.新款Memo紙私家車

一般嚟講，公司入面既高級員工，或者老闆級人馬都會有個車位泊車，講到底，由一架車既牌子、型號觀察，都大概做到車主既地位或者有幾富有；但如果遇着呢架車，相信你就算有幾熟悉汽車都好，基本上連車身顏色都唔知。相信張Memo紙貼勻成架車，兼砌埋車主個名出嚟既呢班員工或者同事，唔知係咪同車主有仇呢，如果唔係點會咁哂啲Memo紙先？！

（圖片來源：http://shareonion.com/sites/default/files/5612221b5d495.jpg）

3.「扮工」掩眼法

呢張相可以話喺掩眼法中既高手！就咁睇落去無乜野，以為真係有個女員工坐喺房入面，對住電腦做緊野；但係，當你真係行入房有野揾佢嗰陣（仲要近到貼住部電腦咁上下位置），先會發現間房根本無人！你喺遠處見到嗰個「長髪女員工」，其實只係貼喺電腦mon既一張紙咋。睇埋張枱下面，仲醒目到用個櫃桶遮住張枱，等你唔係以為見到一個無腳既女員工！

（圖片來源：http://shareonion.com/sites/default/files/5612221ff15c1.jpg）

4.keyboard變花盆

有人總喜歡喺辦公桌上面擺盆小植物，但如果你張唔夠地方，放多個盆栽係上面的話，分分鐘連做野既位都無。咁呢幅圖個方法對你嚟講可能work，仲有機會唔使逐粒keyboard 掣拎走就放啲假花假草落去，唔通咁就係善用空間？方法係就係幾好……不過，拎咗個keyboard做花盆，仲點打字呀？

5.馬桶辦公椅

香港人出哂名做野夠拼搏，有時一返到公司掛住做，莫講食飯無時間，甚至連去廁所既時間都未必有。難怪外國有人諗到呢個做法，索性搬個馬桶當凳坐，後面仲貼住張紙寫明專門俾啲從來唔夠時間去廁所既人坐。但係，坐得呢個位，除咗代表你好忙，仲有另一個問題，坐係塊厠所板上面成日，會唔會唔多舒服呀？！

（圖片來源：http://shareonion.com/sites/default/files/56122219e1df4.jpg）

6.假天花入面竟然有……

辦公室好多時都係用上假天花，用嚟遮住喉管、電線，令整個office睇落去更美觀。但係，想像吓，得你一個人公司，做野做到攰諗住抬頭一望，發現有個呢個女人望住你……個心真係嚇到離一離。自此，你除咗專心一意對無部電腦做野，睇怕都唔敢再望其他地方，一陣又唔知發現到其他野……

7.大頭相當牆紙用

辦公室既牆通常都係淨色，以簡潔為主。但總有啲員工為咗想整靚個環境，會加啲牆紙，好似呢間房咁，由外牆到每一塊地板都貼滿頭像。如果貼既係員工自己個樣，咁毫無疑問，你一定係自戀狂；如果張相係你老細，一係你就當佢係偶像，想無時無刻都見到佢，一係就你好憎佢，日日望住當佢仇人咁，間接逼自己快啲完成手頭上工作，速速離開公司。

8. 「波波池」會議室

提起開會，相信唔少打工仔都頭痛，對住上司、大老闆，大家好日都唔見一次，然後就要準備一大份proposal，等大家坐定定聽你係度present，成個會議室氣氛係幾咁死寂呢？你話如果個會議室好似張圖入面咁，成間房都塞滿發泡膠粒，多到一開門就會湧出嚟嗰種，好似置身波波池一樣，做present 同聽present嗰個可能都開心啲啦？但大前提係，連行入去到坐低都有啲難掛？！

（圖片來源：http://shareonion.com/sites/default/files/5612221ae9e25.jpg）

9.邊個話office唔可以有Golf場？