睇戲時，我們一般會留意主角、演技、劇情，但電影取景原來亦不可缺少！有時靚人加上靚景，不免可以令觀眾們有想立即出發既衝動，以下介紹既6套電影選取既場景都各具特色。下次揀去邊，plan行程嗰時，不妨跳出旅遊書，試吓轉喺電影入面揾心儀既目的地，話唔定發掘到更多新景點！

1.《丹麥女孩》（The Danish Girl）—丹麥哥本哈根（主場景）

《丹麥女孩》入面講既一位關於變性人既故事，發生喺1920年代初期，以丹麥哥本哈根為主要場景，其餘仲有法國、英國、德國、挪威等地方。其中丹麥哥本哈根一排彩色既房屋，歐洲傳統既石仔路等等都呈現喺銀幕面前；20世紀初期既風光大部分一直保留至今，直至今日的哥本哈根一樣可以見到。

2.《復仇勇者》（The Revenant）—加拿大、智利、阿根廷

里安納度（Leonardo DiCaprio）憑電影《復仇勇者》（The Revenant）攞到今年奧斯卡最佳男主角，除咗佢既演技值得一睇之外，亦唔可以忽視電影的取景地方。故事發生喺美國南達科它州（State of South Dakota），但為咗營造主角身處地方的荒涼感覺，導演揀咗加拿大的艾伯塔 (Alberta, Canada)，阿根廷、智利的火地群島 (Tierra del Fuego)，由冰天雪地到森林，都完全襯托出主角們的悲慘遭遇。

3.《星球大戰7：原力覺醒》（Star Wars: The Force Awakens）— 愛爾蘭

儘管《星球大戰》呢系列電影講既都係外太空既故事，但千祈唔好以為佢同地球全無關係，因為電影取景正正就喺地球既某一個國家裏面。在《星球大戰7：原力覺醒》中，場景位於愛爾蘭，被列為世界文化遺產的斯凱利格邁克爾島 （Skellig Michael），當地的美麗景緻，再配合電影入面的動作場面，成功吸引《星戰》迷繼續追捧。

4.《末日先鋒：戰甲飛車》（Mad Max: Fury Road）—澳洲、納米比亞、南非

美國和澳洲的合拍電影《末日先鋒：戰甲飛車》，在今年奧斯卡奪得多個製作獎項，除咗主角們既動作場面，又點可以唔留意入面既場景？成套戲入面，主角們在沙漠嗰一段追逐路上最吸引，該處其實取景自非洲的納米布沙漠（Namib Desert），對不少大膽的旅行家嚟講，呢個位於非洲最大的國家公園納米比的沙漠，定必為他們帶來獨特既體驗，仲可以學呢套戲既主角們咁駕車狂飆，沿途順便欣賞壯觀的沙漠風光。

5.《侏儸紀世界》（Jurassic World）—美國夏威夷

以恐龍為「主角」的電影《侏羅紀世界》，取景自地球上一個島上，呢度就係夏威夷喇！電影中恐龍「棲身」的雲島（Isla Nublar），其實位於現實世界中夏威夷既谷闌尼牧場（Kualoa Ranch），仲有當地既歐胡島和Na Pali海岸。估唔到一個鼎鼎大名既度假勝地，竟然會係電影既取景場地吧，下次去旅行，不妨考慮去以上介紹既呢個地方！

6.《007：鬼影帝國》（007 Spectre） —墨西哥市、羅馬、奧地利、英國

每次《007》系列推出新一部續集時，無論選角、拍攝場地都成為熱門搜尋項目之一。早前上映的《007：鬼影帝國》以多個國家為場景，包括墨西哥市、羅馬、奧地利和英國，其中主角一場緊張刺激既追逐戰中，就揀咗墨西哥市的亡靈節，人多方便匿藏的鬧市，以及傳統節日所戴的面具等元素，加起上嚟都為電影增添不少神秘感。