2016年人情公價最新參考！

啱啱過完年，以為荷包可以鬆一鬆，點知農曆二月又黎婚宴旺季！（銀呀～炸到了）

話時話，人情到底俾幾多？

睇交情囉！

之但係，如果交情真係你唯一考慮，你就唔駛次次咁煩啦！

所以話，撳錢之前，望一望 OiKa 網站嘅「人情打和價」，就多咗個客觀指標俾你參考喇。望文生義，打和價者，即係一個場地裡面一圍酒席價錢（基本婚宴菜單計埋基本酒水同加一）除返開每個賓客嘅價錢。雖則無人話過賓客俾嘅人情一定要 cover 新人嘅成本，但始終，心裡有個譜總好過 no concept，先可以做到既不失禮，又夠實際。

以下呢個表，就係OiKa 數據庫中最驚為天人嘅五個「人情打和價」嘞：

唔係呀化！成兩隻金牛一個人？唔駛驚，以上係全港最堅離地嘅價錢，其實OiKa已經囊括全港超過五百間婚宴場地嘅價錢，仲計埋打和價添，以後去飲就唔駛煩喇。

根據OiKa 超過二十萬搜尋人次，發現一般人搜尋婚宴budget嘅中位數介乎每圍＄10,000至每圍＄11,000之間。換句話講，一般新人擺酒嘅打和價其實無咁離地嘅～ 當然啦，如果你想知得準確D，就可以上 OiKa.hk ，輸入場地名稱幫朕check 下嘞。

老套講返句，始終人情代表住一份心意，「人情打和價」只係一項參考資訊，是否合適，你要自行調節啦！

OiKa 簡介：全港No. 1 婚宴搜尋格價平台

PS: 若圖表走樣，請看原文 http://www.oika.hk/婚宴/2016年人情公價最新參考/