【仲平仲好食過Lady M 】美少女IG 賣彩虹千層蛋糕

我想食千層蛋糕，不過LadyM又貴，款又老套。原來市面有「彩虹千層」揀，超吸引的蛋糕，由IG Emily幫我造。

第一次在IG訂食物， 感覺玩FB真的有點老餅喎。蛋糕達人Emily:「你想要咩味呢？ Rainbow就唔建議揀深色味道， (我:哎呀！阿囝鍾意朱古力喎)，抺茶鍾唔鍾意？」

我早了7日前預訂， 因為Emily的訂單非常爆。她說:「你交收嘅同一日，就有7個ORDER」 (嘩！一對手一日點做7個蛋糕呀？)

自從SY知道我訂了布甸狗千層給他， 小朋友日日問著:「幾時可以食布布？我好想快D食咗佢落肚」(勁殘忍！)

我問Emily:「你係IG賣蛋糕好耐㗎？」蛋糕達人答:「我最初完全唔識整甜品，但好想學人整千層蛋糕，於是就上網自學，最開頭整極都好難食...…」

Emily:「到終於可以入得口之後， 我就每日將D製成品POST上IG自娛...…點知3年前，有個男人PM我問個蛋糕賣唔賣，於是就開始我嘅賣蛋糕生涯。」

(咁你即係全職咗3年？) Emily:「唔係呀！我正職係跳舞㗎，所以之前都係間中賣下...…如果要講正式開始不停手咁做，就係上年聖誕囉。」

我沒有想過， 原來造蛋糕也要開通宵。

Emily:「冇辦法，因為交收一般係下晝，所以攪好晒，夜晚先可以再開工。煎皮又要花粒幾鐘，之後逐層皮搽cream，所以每晚4點幾先有得瞓。」

SY問我:「個蛋糕真係一千層㗎？」我本來想慢慢數，但數數下，眼都矇，先醒起可以直接問Emily...…

「一定係20層皮、19層cream，你個Rainbow就20層皮20層cream。」

運刀切開彩虹蛋糕， 質感比想像中更輕盈， 原來20層的蛋皮也可以有如此輕鬆的刀感，好正喎！！

彩虹配綠色的抺茶...…原來一點也不違和，SY:「爸爸...…點解唔買朱古力呀！...…咦～原來係綠茶味嚟㗎，好食呀！布甸狗啲黃色仲好食！」

最初，以為手作蛋糕一定「岩岩蠶蠶」，其實這個彩虹超工整，難以想像只是一個人屋企自家製。

20層的忌廉，滑到似NewBronBB，愈食愈上癮， SY更要求:「可唔可以再添2舊呀？」

(你第一舊都未食完呀！老友。)

真心覺得超值，有人花5小時完成的蛋糕，4吋份量只是$195。

蛋糕又香又滿足，可能幻彩顏色關係，我覺得與Lady M比較，今晚食得更開心，更興奮喎。

外觀:★★★★★
味道:★★★★☆
價錢:★★★★☆


Ig：xlxlxlxl
FB：Xlxlxlxl北海道牛乳千層蛋糕


大仁生活