【來自喵星的甜品】八隻貓貓的Cafe!! 任玩‧任坐‧勁Free

從未見過一間Cafe， 全場食客都開懷哈哈笑， 又十足睇麥當娜演唱會一樣， 人人手舞足蹈， 個個周圍跟喵玩遊戲！

今日的喵喵Cafe是阿太訂位的， 我：「間Cafe有成8隻貓架？ 如果D貓毛周圍甩， 咁E餐米唔駛食？」， 阿太：「你個囝超鍾意貓喎， 咁你去唔去吖？」

據阿太稱，  SY每次經過金魚街的寵物店， 一定要「賞貓」十分鐘。我半信半疑問SY：「你又話好驚狗嘅？」

SY一邊同貓玩一邊答：「狗好得人驚， 又成日吠， 貓就唔同， 又得意， 又唔會大聲叫， 好乖呀！」

今日， 如果不是我親眼見到阿囝， 玩到笑嘻嘻， 直情當Cafe如同屋企一樣， 周圍走， 不停玩， 我絶對不相信他竟然也是小貓奴。

我：「你好似開心過去迪士尼喎！」 玩貓玩得好興奮的SY：「咁又唔係， 如果D貓唔係成日瞓覺， 就係好玩過迪士尼」

阿太：「幫我同貓貓影相啦， (我：E...佢係志明， 頭先你哋影過啦)， 頭先無個籃呀， 叫你影就影啦， 咁多嘢講」

我問店員：「點解佢叫志明？」， 店員答：「張志明呀！ 我哋同佢搵緊余春嬌， 不過未搵到」 

喵喵Cafe是Winnie與5位貓痴同事夾份創立， Winnie：「我哋個個都好鍾意貓， 我哋本來有6隻貓， 上年打算開Cafe， 就再領養多8隻， 7男1女」

(邊隻係女仔呀？) 店員：「頸仔縛咗飾物， 你一見佢坐係正中央個高架就係波波」SY：「係呀！係呀！灰色隻肥貓頸有個煲呔」

（點解你會開Cafe呢？） Winnie：「我好鍾意甜品， 之前做咗7年甜品舖， 咁啱幾個同事又有興趣， 大家又鍾意貓， 就咁就開咗E度」 

好彩阿太早一日訂位， 因為今日很多Walk-in的喵星人同好， 都要白走一趟， Winnie：「唔好意思， 今日比較亂， 其實周末我哋都無預計有咁多人」

這裡好Freeee， 因為沒有限時進食， 希望經過今日之後...探貓時間也不會出現調整啦！ 

暫時Cafe的食物不多， 只有一個二人甜品套餐， 先來的手工果茶， 茶味可以， 如果水果多一點， 或不用切得太細粒， 應該會更加好飲， 更加吸引。

不過， 主角出場真的不得了...兩大塊重重的石板端上枱， 十種甜食併成的Signature Dessert.

嘩！來自喵星星的夢幻， 好震撼呀！

本來， 靈魂已經被8隻喵喵吸走的SY， 一見冒出迷人輕煙的甜品， 即時走過來：「嘩！好靚呀！ 咁多煙，咩嚟架？」 

這是用試管盛著的楊枝甘露， 夠味夠足料， 不止賣相， 味道一樣正。

多士條可以塗大熱綠茶果醬， 而SY第一時間就偷走BBQ棉花糖， 同樣再塗我的綠茶果醬， 我問：「你唔覺甜咩？ (SY：爸爸！咁先好食呀)」 

綠茶小蛋糕可以作為減甜之用， 而抺茶雪糕配紅豆， 及白玉丸子， 簡直有點中村藤吉Feel。

不過， 最最最令我想Encore的， 就是灑滿木糠的條狀布甸， Winnie：「因為我好鍾意食木糠布甸， 所以自己改良咗」， 我最初以為是忌廉， 真的又滑又綿又快感。

食一口蛋撻， SY又走了去追喵， 之後又回來食啖布甸， 再繼續用啷啷引媒炭...不停笑的SY：「乜佢叫煤炭咩？ 我以為佢叫煤氣， 唔掛知得佢唔啋我」 

喵星人真的如此吸引嗎？ 我們建議離開， SY依依不捨了幾次：「玩多一陣啦， 玩多5分鐘， 得唔得呢？」 

這樣一玩， 前前後後， 這位小朋友足足跟喵喵玩足3個鐘， 還表示未夠喉：「真係好玩到唔捨得走呀！」救命...阿囝你真的當了這裡是迪士尼嗎？ 

Mr. ＆ Mrs. Cat Cafe