【Pancake 最高境界】神級梳乎戟！我要食夠十碟！

話說上星期， 我們去K11試西瓜咖啡@牧羊少年。因為不識路，在PAN de PAIN門外排了一分鐘才發現排錯隊。

阿太:「下次要試吓依間， 你睇佢個Pancake幾靚！」

情人節正日，我便以這店的 Pancake當禮物，鮮果茶當花送給阿太...…

小小心意，不成敬意！

阿太出發前問:「今日情人節，  排2個鐘都唔知得唔得...…」

我答:「我哋13:00去食，人人都食Lunch，我哋食甜品，一定少人。」

結果， 如願以償， 我們排第三， 等15分鐘便入座， 之後人龍便...…

有人以為是日本Pancake店來港！其實是高度日系甜品店，不過好食又何需理出處？

今日，我們坐正開放式廚房的Bar枱前，望住一份份Pancake由零變身登場，好開心！！

(Bar枱有好處～有插座， 自己帶火牛可叉電。)

因為有小朋友發脾氣...…店員Nicole超細心:「你個公仔好靚喎！ (雖然個Bearbrick係我嘅)，隻碟仔唔係污糟，係我哋個logo啫，黃色靚唔靚？」

(多謝Nicole)

All-day Breakfast Pancake ($78)，因為空肚不想先吃甜，所以一定要先來鹹一鹹。

香腸、煙肉、蛋、蕃茄、生菜其實也是陪襯，我們先來要試的當然就是招牌班戟...…真心鬆軟滑綿喎！

Detox Water ($68)， 我們揀了蘋果、菠蘿、梨，我問Nicole:「啲生果食唔食架？」

她答:「全部新鮮水果切出嚟浸水， 係食埋架。」

原來真的是清水浸水果，聞說生果已經浸透12小時，不過水果味不說不會覺得，但啖啖生果都算盞鬼。

我最期待的Souffle Hotcake($68)， 我已經聽到梳乎厘在輕輕叫喚我:「切開我啦， 咬我啦， 食我啦～」

SY: 「我想倒蜜糖呀！！好好玩...…佢軟淋淋架喎…...Wo~Wo~」(除了粉多了一點...…這份梳乎戟，仙氣爆燈。)

梳乎厘都可以做班戟，真的沒有想過。這種如風的輕飄飄，用刀一碰已經自動分開...…SY:「唔駛用力架！爸爸！」

香香甜甜， 較班戟更軟更綿， SY:「好好食呀！ 彈彈下架，真係未食過咁好食嘅班戟！」

絶對食Pancake的最高境界。(咬都唔駛咬！ 我想食十碟呀！！)

Strawberry Pancake ($88) 是阿太指定必食，因為她一早執了一套杯緣子來襯托。

突然大廚拿回班戟並說:「咦！！ 你個Pancake歪咗，我幫你整返正先啦。」

嘩！服務一流。回到家阿太說:「頭先嗰個係老闆 Muse。」(吓！ 你唔早講，等我同佢合照呀。)

這個班戟千層塔， 全部由大大粒士多啤梨砌成， 單單看碟邊的心心， 已經應節， SY:「我好鍾意食中間嗰啲士多啤梨Mousse， 依度啲Pancake真係100分咁好食。」

可能環境氣氛好， 我最欣賞每個店員的態度， 就連收銀的姨姨也可以逗得SY說出他假期有多少份功課...…

如果價錢可以略為下調， 或者份量可以加碼...…這店絶對無敵！

舒適:★★★★☆
食物:★★★★☆

服務:★★★★☆
價錢:★★☆☆☆


PAN de PAIN Pancakes ＆ Sweets
地址 : 尖沙咀K11購物藝術館
11:00-22:00


大仁生活