2016年香港立法會新界東地方選區補選參選人周浩鼎，與其他候選人一起參與無綫電視舉辦的選舉論壇時，竟突然哽咽含淚；充滿創意的網友故把這些片段，串連周星馳的主演電影《喜劇之王》，製作出一段爆笑短片。
當公民黨楊岳橋向周浩鼎提問：「周浩鼎，成日講拉布講到咁十惡不赦，但係而家網絡23條，若果唔係民主派拉布，以時間換取空間，爭取一個四方會談番嚟，晨早網絡23條就過咗嘞，唔好再喺度呃香港人啦。」
但周浩鼎反指：「四方會談係我哋陳鑑林開嘅，係希望回應到民意，大家一齊坐低傾。」他又突然激動地哽咽起來說：「呢段時間，好多人喺網上抹黑我、乜我，有冇人考慮過我同屋企人嘅感受？都唔緊要呀，我今日企咗喺度，只係為咗同大家講一聲，究竟係香港想可以正正常常咁坐番埋一齊傾，定還是日日要繼續暴亂。我信教，呢度七個人喺埋度，我希望大家都可以做番朋友，而唔係日日你打我、我打你，香港唔係咁㗎！」
獨立的梁思豪諷刺，並質疑對方如此輕易流男兒淚，即使當選亦未必能應付議會壓力。獨立的方國珊則指摘周浩鼎所屬的民建聯，是激化社會紛爭的幫兇。
原片的精彩程度已經令人拍案叫絕，網友把片段截錄下來，再串連周星馳的主演電影《喜劇之王》，製作出一段穿插周星馳、張栢芝、林子善和鄭文輝等人畫面的爆笑短片，吸引多人觀賞和留言。
新界東補選候選人包括本民前梁天琦、民建聯周浩鼎、公民黨楊岳橋、新思維黃成智、報稱獨立的方國珊、梁思豪及劉志成。
原片：
周浩鼎X喜劇之王：
網友回應：
Yurick Koizumi：係唔係唔係執業律師單野令佢無晒招數..用埋喊功？不過我覺得唔係好WORK..一來佢唔係靚仔又唔係令人感覺可憐..二來選議員係辛苦工..係要同人比併..你見立法會7國咁亂..郁D就喊既人..成個細路仔咁..點成大事呀？真係唔單止加唔到分...重失晒分…
Zacharias De'Cyan：浩鼎巴打 我留意左你好耐 你真係好幽默 我自問都算個ok幽默既人 但係你幽默感比我真係高十幾二十倍 錯! 應該係100倍先岩,估唔到我係呢個post竟然見識到你既威力 我真係笑到爆左肚 依家一路打字一路撿返d腸呀內臟呀腎呀塞返落個肚到 你有冇諗過未來幾個月去紅館開棟篤笑？
Dennis Yung：唔係民建聯喺度搞鬼棍，香港使撚有今日的禮崩樂壞？啲香港人因為要爭取一人一要真普選俾黑警打到頭破血流，唔見你民建聯喊一聲？有民意又怕乜一人一要啊！都onX九的！喊，見到你班擦鞋狗。我日撚日喊！明明自己係假律師，以為喊可以了事？
Gene Hau：霞姨～咦個邊個嚟㗎…
Esther Kam：香港人的港式幽默加周星星真係無得輸，條片cut得太好笑。真係寧得罪拉登，莫得罪高登。香港勝在有言論自由。
Jan Tang：你出得黎選,做公眾人物就預左俾人指指點點ga啦，唔好話政客,作為一個正常人,你連最基本既誠信都沒,叫市民點選你啊，衰左咪大方道歉認左佢兼退選囉，話唔埋以後都仲有機會,你偏要屙屎唔出話地硬,仲要擺屋企人上檯,完全感受唔到誠意,d戲屎到呢～果然係禮廉無恥民賤聯﹗﹗
資料來源：Arm Channel TV、無綫電視
