今晚扮遊客, 走到尖沙咀文化中心...…SY:「哦!又係睇燈籠呀! 我記得...…上年睇過啦」

我想了一回,其實應該老仁痴呆,因為我全部對於上年元宵前後,有沒有來過文化中心綵燈會,真的全無印象喎。

一走到西遊記3師徒的燈飾,SY則大叫:「E~今年唔係猴年咩? 點解係豬嘅?」

我答:「孫悟空咪馬騮囉...…」SY:「我睇唔到隔離仲有吖麻~」

每事問的小朋友一邊影相一邊又問:「點解要圍住晒㗎?上年都無圍住。」

其實,我也不明白,三個綵燈區,只有西遊記那部份圍了繩,其他都可以走上池邊喎。

我請SY幫我數一數全場有多少隻馬騮燈籠,數了2隻,他忽然被不停噴煙的儀器吸引得不得了...…你小心跌落池呀!

玩了一回, 他又繼續數馬騮...…SY:「爸爸!! 咁橋喎,兩邊都係11隻喎。」

我第一時間聯想到:「哦!因為今年22號就係中國情人節新十五呀!」 SY:「十五可以拆利是啦...…好呀!好呀!」

我以為規定SY十五拆「利是」算變態...…原來我聽我同事說:「我屋企習慣年廿九先拆利是㗎! (吓?講笑呀? ),因為新一年前就拆利是囉。」 (真‧變_)

明天元宵正日,文化中心有歌舞、手工藝、舞龍、木偶戲、摺紙工作坊、猜燈謎...…可惜我要返工,無時間再來啦。

今晚15度天氣,SY在水池邊走來走去,竟然也可以跑到身水身汗,真的佩服!!

第一次正式睇幻彩咏香江的SY:「得咁少燈咋...…係咪每日都有㗎? 不過都好睇過牆上面睇公仔。」

這個「閃躍維港」3D光雕匯演我也是今日才第一次睇...…老實說,迷離莊園好睇好多啦...…

SY:「我仲以為會有馬騮跳出嚟添...….好悶。」


無所謂啦!免費娛樂,五顏六色,開開心心,總好過水靜鵝飛...…

SY:「我想返屋企睇Sunday好戲王多D」~激死!

 

市區元宵綵燈會

日期:2月22日(星期一)
時間:7:30pm-10:00pm
地點:香港文化中心露天廣場
節目內容:大型民族歌舞、傳統手工藝示範、中樂合奏、舞龍、木偶戲、摺紙工作坊、燈謎競猜、綵燈展及「閃躍維港」3D光雕匯演。


大仁生活


 【元宵好去處】尖沙咀綵燈會免費任逛 @文化中心

 https://www.facebook.com/hayakutang