出得好嘅玩具，注定會被洗版吧，大家唔爭在睇多個啦，
呢個係一件值90分以上嘅玩具，但仍然有改進空間。
開始介紹，土炮 Mad Toys 出品第一彈 "百獸王" 合金。
我收到這盒，無需換件，lucky。
um...外箱啡盒, 加上厚咭紙印刷嘅豪華包裝...本來加分。
但D 相同印刷實在做得太差，好淡好晦暗，有點失望...
內咭裝飾 + 吸塑蓋，印刷同樣唔靚，點解唔向舊版 DX 致敬呢 ?
old cake 至愛"發泡膠" ，加分。
下層係全武器set / 初回限定雙刀/ 說明書，說明書印刷亦不精美。
先來 Lion Mode ：
1號獅子，黑金，百獸王頭／上身。
夠晒壯 腰部再粗 D 都 ok，關節亦緊。
但獅頭亦太過緊，我一度誤以為獅頭／機械人頭不能轉動。
黑金武器特多 ! 雙炮係原創武器嗎 ?
記憶上動畫版冇呢樣武器。
雙炮可亮燈，但冇電冇得試。
2號獅子，紅鋼，百獸王之右手。
頭部可發射 ! 可玩發射飛拳。
因為咁2/3 號獅子，亦多跟一個頭，怕你整唔見。
但因為發射飛拳，2/3 號獅子頭部不能轉動...
呢點我覺得幾捉錯用神，我情願要可轉嘅拳頭。
啪啪關節緊實，含金量不高，但明智，含金量太高會引致雙手不舉
付有兩款武器可給獅子咬住，但其中一款咬唔實。
3號獅子，綠錫，百獸王之左手。
基本好處／缺點／武器都同 2號獅一樣。
但...提貨時有師兄都覺得綠色太瘀...不過尚可接受。
雙獅出籠。
4號獅子，藍銀，百獸王之右腳。
又有專用武器比佢咬，今次咬得實，上色好靚。
5號獅子，黃銅，百獸王之左腳。
上色又係幾靚，同4號一樣冇乜問題。
五獅亂舞 !
合體吧 ~ ! 百獸王 !
方法簡易，流暢，緊實。說明書都唔駛睇。
完成 ! 百!獸!王!
高大／ 重手／ 靚仔／ 有型集於一身。
要挑剔只係覺得腰可以再粗DD。
手臂可拉出式咁長 DD 就完美。
可動度唔錯，一定比 Bandai 大型合金還要靈活。
同好們都話雙眼畫得大咗，我反而唔覺得有太大問題。
我反而覺得黑金獅子口，百獸王面部週邊最好有色。
吼 ~ ! 咬你 ~ !
另外廠方跟多一個百獸王 " 張口' 面型。磁石固定， face off 非常方便快捷。
背面又非常之靚仔企理，冇彈窿。
付送初回雙刀我興趣不大。
反而對呢把火炎十王劍最有印像。
但本品的火焱十王劍令我失望之處係平板膠 劍一把...
十足武林聖火令... 
我覺得開發都要向 GX-59 參考吓。
頂唔順，影相後加咗火焱特效補完。
亦可手持其他短刀/武器。
有朋友覺得雙臂唔可以 90度屈，其實都可以嘅。
只要張紅／綠獅子手腳，向內／外轉少少，就會多出空位，讓手臂屈曲。
後記 : 雖然有D小問題，例如黃／藍獅頭不能轉，以致貼地性不足。
但我仍覺得本品完成度高，達90分以上，不比 bandai 質素差太遠。
但絕對凌駕 CM's / Evolution...
千幾蚊身價，絕對值得擁有，留咗貨就快D去拎啦。
多謝觀看 :)
