又係果句：好耐沒上POST....真係拖下拖下又懶下懶下....
其實呢輯真三一，在SR合金真三一發售前已開始影,影到依家至完成多少.....
入正題呀!!!!!!!!!!!!!!!! CHANGE SHIN GETTER 1!!!!!!!!!
真三一萬能俠又係由永井豪所畫，通常一部出名動畫，大多都跟住會出埋玩具。真三一當然亦唔例外。曾經有出過真三一玩具嘅計有：Aoshima， Bandai，Studio Half-eye，Fewture，T.O.P 等等公司。其中以 Aoshima 合金最"積極"，出最多版本，實行一模多用。
先嚟一張真三一大"盒"照~
通常我影玩具，多數都會影埋盒嘅封面同封底。因為鍾意佢哋boxart設計同包裝。
先介紹多年前海洋堂所發售嘅 KT Collection 可動扭蛋。呢套可動扭蛋一 set 有五盒，包括有舊三一1、2、3號，真三一同飛天金鋼鑽。 因為今次只介紹真三一，所以其餘幾位留下次有機會至影。
講番呢隻 KT 版真三一，雖然細隻，但可動性仲可以，不過就係有限幾款pose，因為關節有限。而且呢 set 扭蛋中真三一係最容易解體一隻。我呢隻亦唔例外。我呢隻頸、腰同雙腳板已斷，要自己動手術駁返。 呢隻蛋盒真三一配件有大斧一支、拳同掌，另外背部對翼係可動。
跟住就係海洋堂嘅轉輪 Revoltech 系列。Revoltech 本身係以超可動， 可擺動出 "型" pose，作賣點。 而真三一機械人本身都好 "型"， 所以 Revoltech 當然都會出埋呢隻咁型仔兼可動嘅真三一啦。
真三一在 Revoltech 系列編號係：037. 都算係屬於早期產品。 而且呢隻 Revoltech真三一有出兩種版本，原色版同時黑色版，除咗顏色唔同之外，附件都有唔同。原色版本身除咗有拳、掌同大斧一支，雙翼之外，另外就有俾埋特效配件。而黑色版其實係日本雜誌 Hyper Hobby 誌上限定。配色係以金屬黑、紅、金為主。配件方面黑版同原色版差唔多，只係黑版大斧色有多少唔同，對翼原色版係光澤，而黑版係消光。而兩款最大差別係原色版係有俾埋特效配件，而黑版係冇包括，但就俾多一種武器就係槍一支。
不過本身盒就慳水好多，無論原色同黑版都用番一樣嘅盒，只係黑版嘅盒面貼上一張限定紙條。
留意兩盒嘅顏色同配件都有唔同。
可睇得出對翼上色嘅分別：原色版對翼係光澤，而黑版對翼係消光。
