【水果啡一啡】夏日西瓜 VS 冬日香蕉Coffee @ 牧羊少年

昨晚收到朋友C通知:「牧羊少年開咗新店，有新嘢呀...…」我答:「集團式食肆...…無乜興趣喎…...」

朋友續說:「唔係喎！！ 有西瓜咖啡，仲有隻大Be@rbrick任你影」 我:「吓？？ 有Be@rbrick！！ 西瓜咖啡？？ 我聽日即去！」

位於K11地鐵同一層的「牧羊少年」原來只開了一個月，可能地方偏僻，但對客人來說...…清清靜靜，更加好坐。

甫一坐下店員Carmen即說:「清水可以自由係水機任酙喎」...…哦！！ 我的招財Be@brick就在此等候我...…Hi！招財貓…...

點題之作，西瓜咖啡 ($62)即時端上枱。嘩！好靚！ 店長阿風:「台灣會用黃肉西瓜！！ 可能更靚」(咁我真係想飲空運黃肉西瓜限定咖啡呀！)

西瓜...…很清， 一粒西瓜一啖咖啡， 我愛夏日長， 絶對是暑假來的浪漫...…但感覺不襯穿樽領衫的13度年廿九。

雖然， 另一杯暖和的香蕉咖啡 ($62)，賣相不及西瓜，但味道反而超級超級超級正。

雖然兩杯也是用南意大利咖啡，但香蕉配了朱古力、可可粒，加上香蕉的質感， 整杯層次感豐富又實在，好合適未戒奶的咖啡初哥飲用。

店長風:「其實西瓜係我哋為夏天嘅特飲，而熱香蕉咖啡應該會更適合依家嘅天氣，所以你會覺得味道夾好多囉。」

可惜香蕉仔經不起時間的考驗，不用6分鐘，杯面的蕉蕉自動徐徐向下墜...…被消失的香蕉，無奈的要出動匙羹才能重見天日。

之後來的楓樹糖醬窩夫($85) 及意大利黑松露醬牛肉雲吞($90)。其實，另外三間分店都有售...…不夠咖啡獨家。

不過， 要讚一讚樹葉形的窩夫設計，方便手持一端，另一邊則順便沾上雪糕慢慢食...…

(哎呀！ 後面枱點咗碟鲜果窩夫，彩色繽紛...…點解賣相靚過我碟咁多？？).

黑松露醬牛肉雲吞在沒有期望下，連SY也覺好食得一人KO了4粒雲吞。

雖然我吃不出半點黑松露朋友的氣息， 勁香忌廉，又夠多蘑菇，如果價錢可以下調少少，一定更完美．

阿風說:「其實要特別，你應該點楊枝甘露咖啡，因為香港限定，台灣店一定無…...」

(吓？！ 好後悔呀！唯有下次再嚟飲過啦， 到時超好人嘅Carmen， 可唔可以叫店長將個西柚夾係個杯邊， 等我影相震撼啲呢？)


The Alchemist Creative Coffee by GABEE
地址: 尖沙咀K11

大仁生活